Jańalyqtar
17 jyl boıy quldyqta bolǵan apaly-sińliniń qazirgi jaǵdaıy qalaı?
Foto: ashyq derekkóz
Tanymal telejúrgizýshi Rýslan О́tepbaı Túrkistan oblysynda 17 jyl boıy týǵan aǵasynda quldyqta bolǵan apaly-sińli Qundyz ben Nazgúldiń qazirgi jaǵdaıyn kórsetti, – dep habarlaıdy qandastar.kz
Jýrnalıst apaly-sińli qyzdarmen birge fotosessııa uıymdastyrǵan.
«Bizge kelgende qyzdar qandaı edi? Kútim men jylyqabaq bolsa, jaıqalmaıtyn qyz joq bul álemde…» – dep jazdy telejúrgizýshi.
Aıta ketsek, buǵan deıin Túrkistan oblysynda apaly-sińli qyzdardyń aýyr jumysqa salynyp, quldyqta bolǵany týraly buǵan deıin BAQ betterinde jazylǵan bolatyn.
Ata-anasy aıaqasty qaıtys bolǵannan keıin eki qyzdy ákesiniń aǵasy asyrap alǵan. Alaıda, aǵalyq qamqorlyq kórsetýdiń ornyna, onsyz da densaýlyǵynda aqaýy bar qyzdardy ol malǵa salypty.
Qyzdardyń jaıy buqaraǵa jarııa bolǵannan keıin aǵasy Sáýlebektiń ústinen qylmystyq is qozǵalypty. Bul týraly jýrnalıst Rýslan О́tepbaı óziniń Instagram-paraqshasynda jazǵan edi.
«Aǵasy Sáýlebek apaly-sińlini qoı baqtyryp, turmystyq ómirge kerekti zattarmen qamtamasyz etpegen. Memleketten ol qyzdarǵa bólgen aqshany ózderi jaratqan. Bul oqıǵany kórgen qyzdardyń buryńǵy synyptastary jaǵdaılarynyń múshkúl ekenin habarlaǵan edi. Qazir qyzdar úsh aptadan beri keshendi em qabyldaýda», — dep jazdy jýrnalıst.
