Jańalyqtar

2026 jyldan bastap kópbalaly otbasylarǵa salyqtan jeńildik bolmaıdy

21.08.2025

0 49

Kelesi jyldan bastap kópbalaly otbasylarǵa salyqtan jeńildik berilmeıdi. Qańtarda kúshine enetin jańa kodekste salyq shegerimderiniń kóbi qysqaryp, tek úsh túri ǵana qaldy. Bul týraly Qandastar.kz 31-arnanyń Informbıýro jańalyqtar qyzmetine silteme jasap habarlaıdy.

Qazrigi salyq kodeksine sáıkes halyq zeınetaqy, medıınalyq saqtandyrý jarnalary boıynsha standartty jáne ózge de salyqtyq jeńildikterdi qoldana alady. Kópbalalylarǵa, bilim men medıına shyǵyndaryna, erikti zeınetaqy jarnalaryna jáne ıpoteka syıaqysyna da arnaıy shegerimder bar. Mysaly, baspana nesıesiniń syıaqy somasy 70 myń teńge bolsa, tóleýshi jumysyndaǵy býhgalterııaǵa tıisti qujattar ótkizip, aılyǵyna aı saıyn sol 70 myńnyń 10 paıyzyn, ıaǵnı 7 myń teńgeni qosyp alatyn.

Biraq kelesi jyldan bastap bul jeńildik bolmaıdy. Ony qajet dep sanamaǵan depýtattar ornyna bazalyq pen áleýmettik tólemderdiń jáne áleýmettik salyq shegerimderi degen 3 túrin engizdi. Birinshi jeńildik jumys isteıtin barlyq azamatqa berilse, qalǵan ekeýi tek arnaıy shoty nemese statýsy barlarǵa ǵana arnalǵan.

“Bazalyq salyq shegerimi 30 AEK (117 960 teńge) mólsherinde qoldanylady, ıaǵnı ol 14 AEK-ten 30 AEK-ke deıin ulǵaıady. Áleýmettik tólemderdiń salyqtyq shegerimi mindetti zeınetaqy jarnalary boıynsha shegerimderdi, mindetti áleýmettik medıınalyq saqtandyrý jarnalary jáne áleýmettik aýdarymdar boıynsha shegerimderdi qamtıdy. Áleýmettik salyq shegerimderin birinshi jáne ekinshi toptaǵy múgedektigi bar adamdar 5000 AEK-ke (19 660 000 teńge) deıingi mólsherde jáne úshinshi toptaǵy múgedektigi bar adamdar, Uly Otan soǵysy qatysýshylary jáne oǵan teńestirilgen adamdar, múgedektigi bar balanyń ata-analarynyń biri, qamqorshylary 882 AEK (3 468 024 teńge) qoldana alady”, – deıdi Almaty qalasy boıynsha memlekettik kirister departamentiniń basqarma basshysy Aıjan Bekkeva.

Salyq organy ókilderi bul ózgeristiń nátıjesinde kerisinshe salyq salynatyn baza tómendep, qolǵa túsetin jalaqy mólsheri artatynyn aıtady. Al sarapshylar basqa pikirde.

“Aıtarlyqtaı eshteńe ózgermedi. Buryn bolǵan jeńildikterdi 3 túrge toptastyra salǵan. Esesine halyqtyń basym bóligin qamtyǵan ıpoteka syıaqysyna, aqyly bilim men medıınalyq shyǵynǵa berilgen salyq jeńildikterinen aıyrylyp otyrmyz. Sondyqtan da kóptiń jalaqysy kóbeıedi deýge kelmeıdi”, – deıdi salyq sarapshysy Aıdar Masatbaev.

Ilmekter