Қию қашқан әңгіме: АҚШ пен Ресей Украина бойынша келіссөздерді бірлескен мәлімдемесіз аяқтады

Фото:Orda.kz

Эр-Риядта АҚШ пен Ресей өкілдерінің Ресей-Украина әскери қақтығыстарын шешуге қатысты келіссөздері аяқталды. Тараптар әзірге бірлескен мәлімдеме жасаған жоқ, деп хабарлайды qandastar.kz

CBS News телеарнасы дереккөздерге сілтеме жасап, келіссөздер қорытындысы бойынша екі елге ортақ мәлімдеме 25 наурызда Астана уақытымен сағат 13.00-де жасалуы тиіс екенін хабарлады. Дегенмен олай болған жоқ.

Orda.kz жазғандай,   келіссіздерге журналистер кіргізілмеді, сондықтан келіссіздер өнімділігін тек кейбір БАҚ хабарламалары арқылы ғана бағалауға болады.

CBS News америкалық келіссөзшілер «оптимист болып көрінді» деп мәлімдеді. АҚШ өкілдері бұнымен қатар украиндық әріптестерімен атысты тоқтату туралы келісімнің егжей-тегжейлерін талқылауды жалғастыруда.

Келіссөздерге ресейлік тараптан қатысқан Федерация Кеңесінің халықаралық істер жөніндегі комитетінің басшысы Григорий Карасин ТАСС агенттігіне берген түсініктемесінде келіссөздер «конструктивті диалог сияқты әсер қалдырды» деп мәлімдеді.

«Бәрі талқыланды, қиын диалог болды, бірақ біз үшін де, америкалықтар үшін де өте пайдалы деп ойлаймын. Көптеген мәселелер талқыланды. Әрине, біз бәрін шешкен жоқпыз, бәрін бірдей келіса алған жоқпыз», — деді. Карасин жайбарақат.

Associated Press агенттігі атағандай, АҚШ пен Ресей Украина мен Ресей Федерациясы арасындағы отыз күндік бітімге келу туралы ұсынылған келісімнің нақты тармақтары бойынша әлі келісімге келмеді.

Вашингтон «энергетикалық және инфрақұрылымдық нысандарды» нысанаға алмау керектігін айтса, Мәскеу тек «энергетикалық инфрақұрылымды» айтады, ал Украина президенті Владимир Зеленский бұл тізімге темір жолдары мен порттарды қосқысы келеді.

Бірлескен мәлімдеменің жоқтығына қарағанда, тараптар бұл басты мәселелер бойынша ешқашан келісе алмайтін шығар.

Осы уақытта аралығында украиндық ұшқышсыз ұшақтар қазақстандық мұнай экспортталатын ҚТК станциясына тағы да шабуыл жасап үлгерді.