Әлем жаңалықтарыЖаңалықтар
Турлов Трамптан бай болып шықты
Турлов Трамптан бай боп шықты…Фото: Даланьюс
Тимур Турлов Forbes-тің 2025 жылғы әлемдік миллиардерлер рейтингінде Ақ үй басшысы Дональд Трамптан озып кетті, деп жазды qandastar.kz
Freedom Holding негізін қалаушының дәулеті 2025 жылдың наурыз айында 5,8 млрд долларға жеткен.
Әшкере телеграм арнасы жазғандай, бұл өткен жылмен салыстырғанда 2,5 млрд долларға көп. Ал Дональд Трамптың капиталы биыл 5,1 млрд доллар шамасында бағаланды. Сарапшылар Турловтың дәулетінің күрт артуын Freedom Holding компаниясының жаһандық нарыққа экспансия жасауымен байланыстырады. Бұған қоса, инвесторлардың Freedom24 брокерлік платформасына деген қызығушылығы мен цифрлық қаржылық қызметтерге сұраныстың артуы да әсер еткен. Ал Трамп капиталының өсуі негізінен Trump Media & Technology Group компаниясындағы үлесін ішінара сатумен байланысты. Дегенмен, жобаның өзі әлі де табысты бола қойған жоқ. Тимур Турловтан бөлек, Forbes рейтингісіне Kaspi.kz иелері Вячеслав Ким мен Михаил Ломтадзе, KAZ Minerals иесі Владимир Ким, Halyk Bank акционерлері Тимур және Динара Құлыбаевтар, сондай-ақ ForteBank қожайыны Болат Өтемұратов та енген.
