ТЖМ «Сейсмологиялык зерттеу институты» сейсмикалық станциялар желісімен 6 желтоқсан Астана уақытымен 02 сағат 04 минутта жер сілкінісі тіркелді, деп хабарлайды qandastar.kz порталы.
Жер сілкінісінің ошағы Өзбекстан аумағында Алматы қаласынан оңтүстік-батысқа қарай 565 шақырымында орналасқан.
Есептік қарқындылығы:
Тараз және Шымкент қалалары — 2 балл
Зардап шеккендер мен қираулар туралы мәлімет түспеді, дейді құтқарушылар.
«Қазселденқорғау» мамандары өзен арналарын, гидротехникалық құрылыстарды, көшкін қауіпті және сел қауіпті учаскелерді зерттеу бойынша мониторинг жүргізді.
Сондай-ақ тіршілікті қамтамасыз ету нысандарын аралап, тексеру жұмыстарын жүргізді.
Тексеру нәтижелері бойынша зақымдану табылған жоқ, қазіргі уақытта аталған объектілер штаттық режимде жұмыс істейді.
