«5 mıllıon teńge ǵana tóleıdi: Tanymal bloger Madlen suhbat bergeni úshin aqsha alatynyn jasyrmady

Foto: Jeke paraqshadan alyndy

Tanymal bloger Madlen suhbat berý úshin aqy alatynyn aıtty, dep jazdy qandastar.kz

Bul týraly Stan.kz aqparat agenttigi habarlaıdy. Bloger oqyrmandarymen syrlasyp, suraqtaryna jaýap berdi. «Siz sondaı kúshtisiz, sizben ótetin podkastardy tyńdaǵym keledi» dep jazǵan oqyrmanyna rıza boldy.

«Raqmet, ıá, men ashyq ári kólemdi suhbat bergim keledi. Alaıda, oǵan tek 5 mıllıon teńge ǵana usynyp otyr. Sondyqtan da barmaımyn. Bul odan qymbat bolý kerek dep oılaımyn», – dep jazdy bloger.

Sondaı-aq bloger negizgi tabys kózi jarnama ekenin de jasyrmady.

“Qumar oıyn men qarjy pıramıdasyn jarnamalamaımyn. Odan keıin túsiniksiz dári-dármekterdi de meniń paraqshamnan kórmeısizder. Araq pen temekini de nasıhattamaımyn. Oqyrmanym kóbeıgen saıyn aldyndaǵy jaýapkershilik te artty. Zııan nárselerdi jarnamalap alyp, túnimen uıyqtaı almaı shyǵý – ózińe zııan”, – dedi Madlen.