Қазақстан нарығындағы ең жоғары айлықтар мен сұранысы көп мамандықтар белгілі болды, деп жазады qandastar.kz сайты Tengrinews.kz-ке сілтеме жасап.
Enbek.kz электронды биржасының мәліметінше, қараша айында жұмыс берушілер ең жоғары жалақыны келесі лауазымдарға ұсынған:
- бас құрылысшы – 640 мың теңгеден бастап;
- өндіріс учаскесінің бастығы – 595 мың теңгеден;
- авиациялық диспетчер – 568 мың теңгеден.
Ал үміткерлердің ең жоғары жалақы бойынша күтілімдері мына мамандықтарда тіркелген:
- ұшқыш – орташа 1,9 миллион теңге;
- IT-бөлім басшысы – шамамен 1,2 миллион теңге;
- бас геолог – шамамен 1,2 миллион теңге.
Ең сұранысқа ие мамандықтар:
- медбике/мейірбике – 1,9 мың бос орын;
- санитар – 1,8 мың;
- тәрбиеші – 1,5 мың;
- автокөлік жүргізушісі – 1,5 мың.
Қараша айында Enbek.kz сайтына 101,1 мың вакансия жарияланған, бұл қазан айымен салыстырғанда 23%-ға аз. Оның 73%-ы білікті мамандарға арналған.
Сонымен қатар, үміткерлер 101,3 мың түйіндеме орналастырған – бұл да бір ай бұрынғыдан 11%-ға төмен. Еңбек және халықты әлеуметтік қорғау министрлігі мұны маусымдық құлдыраумен байланыстырады.
