«7 адам аман қалды». Танымал әнші Бүркіт жантүршігерлік жол апаты туралы айтты

Фото: видеодан кадр

Танымал қазақстандық әнші Бүркіт інісінің жол апатына ұшырағаны туралы айтып, тыңдармандарын жолда сақ болуға шақырды, – деп хабарлайды Massaget.kz тілшісі.

«Бүгін Құлжа жолы бойында інім жолға шыққан. Содан «Газель» мен жеңіл көлік соқтығысып қалған. Ең бастысы, 7 адам да аман қалды. Шағын жарақаттар бар, бірақ бастары аман. Өтініш, абайлап жүріңіздерші! Көлікті жай айдаңыздар! Абай болыңыздар! Құдай сақтасын, мынадан кейін қалай қорықпаймыз, білмеймін», – деді ол жол апаты болған орыннан видео түсіріп жүріп.

«Сақтанғанды Құдай сақтайды демекші, абай жүріңіздер! Трасса деген жаман! Періште сақтап қалды бәрін», – деп жазды әнші әлеуметтік желідегі парақшасында.