جاڭالىقتار

توقاەۆ اباي قۇنانباي ۇلىنىڭ مەرەيتويىن تويلاۋ تۋرالى جارلىققا قول قويدى

مەملەكەت باسشىسى قازاقتى باس اقىنى اباي قۇنانباەۆتىڭ مەرەيتويىن تويلاۋ تۋرالى جارلىققا قول قويدى.

2020 جىلى قازاق حالقىنىڭ ۇلى اقىنى, اعارتۋشىسى اباي قۇنانباي ۇلىنىڭ 175 جىلدىق مەرەيتويىن جوعارى ۇيىمداستىرۋشىلىق جانە مازمۇندىق دەڭگەيدە مەرەكەلەۋدى قامتاماسىز ەتۋ ماقساتىندا قاۋلى ەتەمىن:
1. قازاقستان رەسپۋبليكاسىنىڭ ۇكىمەتى:
1) 2019 جىلعى 1 شىلدەگە دەيىن 2020 جىلى قازاق حالقىنىڭ ۇلى اقىنى, اعارتۋشىسى اباي قۇنانباي ۇلىنىڭ 175 جىلدىق مەرەيتويىن (بۇدان ءارى – اباي قۇنانباي ۇلىنىڭ 175 جىلدىق مەرەيتويى) دايىنداۋ جانە وتكىزۋ جونىندەگى مەملەكەتتىك كوميسسيا قۇرسىن;
2) 2019 جىلعى 1 قازانعا دەيىن اباي قۇنانباي ۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى جالپىرەسپۋبليكالىق جوسپاردى بەكىتسىن;
3) ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۋزەيىن كەشەندى جاڭعىرتۋ جونىندە قاجەتتى شارالار قابىلداسىن;
4) 2020 جىلى نۇر-سۇلتان قالاسىندا اباي قۇنانباي ۇلىنىڭ 175 جىلدىق مەرەيتويىنا ارنالعان حالىقارالىق عىلىمي-پراكتيكالىق كونفەرەنتسيا وتكىزسىن;
5) اباي قۇنانباي ۇلىنىڭ ەڭبەكتەرىن كەڭ تارالعان نەگىزگى شەت تىلدەرىنە ساپالى اۋدارۋدى جۇزەگە اسىرۋ, باسىپ شىعارۋ جانە حالىقارالىق ىلگەرىلەتۋ جونىندە قاجەتتى شارالار قابىلداسىن;
6) اباي قۇنانباي ۇلىنىڭ 175 جىلدىق مەرەيتويىن بىرىككەن ۇلتتاردىڭ ءبىلىم, عىلىم جانە مادەنيەت ماسەلەلەرى جونىندەگى ۇيىمى (يۋنەسكو) مەن حالىقارالىق تۇركى مادەنيەتى ۇيىمى (تۇركسوي) اياسىندا مەرەكەلەۋدى ۇيىمداستىرۋ جونىندەگى ماسەلەنى پىسىقتاسىن;
7) وسى جارلىقتى ىسكە اسىرۋ جونىندە وزگە دە شارالار قابىلداسىن.
2. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
3. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ
پرەزيدەنتى ق.توقاەۆ



دەرەككوز: http://www.akorda.kz/kz/legal_acts/decrees/abai-kunanbaiulynyn-175-zhyldyk-mereitoiyn-merekeleu-turaly

وسى ايداردا

پىكىر ۇستەۋ

Close