Әбдіжаппар Әлқожа киімдерін өртегені үшін айыппұл төлеп, түсініктеме жазды

Фото: Видеодан скриншот

Жол ережесіне бағынбай, 10 тәулікке қамалып шыққан Әбдіжаппар Әлқожа ұсталған кездегі киімдерін өртегені үшін айыппұл төледі. Бұл туралы Stan.kz ақпарат агенттігі хабарлайды.

Айта кетейік, отандық эстрада жұлдызы Бағлан Әбдірайымов көлігін өртеуге қатысты видео жариялаған болатын.

«Достар, автокөлікті өртеп жібереді деп ойладыңыздар ма? Жоқ, біз аманатқа қиянат жасамаймыз. Дәл осы көлікті ертең сіздерге сыйлаймыз және тағы екі автокөлігіміз бар. 30 адамның 100 мың теңгеден қарызын жабамыз деген ниеттеміз. Тек кино көрген көрермен үшін ғана», – деді ол.

Мұны көрген көпшілік Бағлан Әбдірайымовтың әрекетіне шүйлікті. Өнер иесінің әріптесі Әбдіжаппар Әлқожа далада от жаққаны үшін айыппұл арқалағанын айтты.

«Алатау ауданы әкімшілігі айыппұл салады. Бәке, байқаңыз. Көрдік өрт жаққанды. Айыппұлын төлеп, түсініктеме жаздық», – деді әнші.

Еске салайық, бұған дейін өнер иесі драмалық видеосының астына «Айналамның бәрі шибөрі» деген сыңайда өлең жолдарын жазған болатын.