Saılaý kúni ushqyshsyz ushý apparatyn (drondy) ushyrsańyz aıyppul arqalaısyz

Qazaqstan Respýblıkasy Prezıdentiniń saılaýy kúni (2019 jyldyń 9 maýsymy) Nur-Sultan jáne Almaty qalalarynda áýe keńistigin paıdalaný týraly shekteýler qoıylady. Bul týraly Azamattyq avıaııa komıteti fızbýgtaǵy paraqshasynda habarlady.

Habarlamada: «2019 jylǵy 9 maýsymnan 04.00-den 24.00-ge deıin Nur-Sultan jáne Almaty qalalarynyń aýmaqtarynda ushqyshsyz ushý apparattaryn paıdalaný boıynsha ýaqytsha shekteý qoıylady. Bul QR IIDM, QR IIM jáne QR Qorǵanys mınıstrliginiń kelisilgen sheshimi ekenin habarlaımyz. Shekteýler jer betinen 500 metrge deıingi bıiktikke qoldanylady.
Osyǵan baılanysty atalǵan eldi mekender boıynsha belgilengen merzimde ushýǵa ruqsat berilmeıdi.
Bul shekteýler Nur-Sultan men Almaty áýejaılarynyń qyzmetine jáne josparly reısterdi júzege asyrýǵa áser etpeıdi.
Shekteýli ushý aımaǵynda (ushqyshsyz ushý apparatyn ushyrǵan jaǵdaıda ) ruqsat etilmegen apparatty qoldanǵan adamǵa 10 AEK mólsherinde, laýazymdy tulǵalarǵa 20 AEK mólsherinde ákimshilik aıyppul salynady (Ákimshilik kodeksiniń 563-baby).» — delingen.
Ushý apparattaryn paıdalaný tártibi QR IIDM saıtynda jarııalanǵan.

«qandastar.kz» úshin