Astanada qandas jastar máselesi talqylandy

Búgin L.N.Gýmılev atyndaǵy Eýrazııa Ulttyq ýnıversıtetinde daıyndyq kýrs túlekterine arnalǵan is-shara ótti. Jıynǵa Qarlyǵash Bekpatshaqyzy (Dúnıejúzi qazaqtarynyń qaýymdastyǵy Nur-Sultan jáne Aqmola oblysy fılıalynyń basshysy), Nurymjan Qasymuly («Otandastar Qory» Mádenı-gýmanıtarlyq jobalar departamentiniń qyzmetkeri), Talapbek Tynysbek («Otandastar Qory» Mádenı-gýmanıtarlyq jobalar departamentiniń qyzmetkeri), sondaı-aq, «Zerdeli» aqyl-oı damytý ortalyǵynyń Qytaı, Mońǵolııa, О́zbekstannan kelgen 192 tyńdaýshysy men daıyndyq kýrs túlekteri qatysty.

Bas qosýǵa muryndyq bolǵan – «Otandastar Qory», Dúnıejúzi qazaqtarynyń qaýymdastyǵy jáne «Zerdeli» aqyl-oı damytý ortalyǵy. Olardyń basty maqsaty – daıyndyq kýrs túlekterine aldaǵy UBT barysyn, grant bóliný retin túsindirý. Budan tys, bolashaq stýdentterdiń áleýmettik jáne azamattyq alý máselelerin talqylaý.
Búginde shetelden kelgen qandas jastarǵa elimizde tegin bilim alý múmkindigi artyp otyr. Oǵan Halyqaralyq baǵdarlamalar ortalyǵy men Dúnıejúzi qazaqtar qaýymdastyǵynyń eki jaqty kelisimi sebep bolyp otyr.
Buǵan deıingi qandas jastardy medeınalyq saqtandyrý máselesi qınap kelgen. Baǵasy qymbat, paıdasy az. Oqý ornyna bul tyǵyryqtan shyǵýdyń ońtaıly tásili usynyldy. Jáne ol oń sheshimin tapty. Ýnıversıtet pen aýrýhana birlese otyryp, etnıkalyq stýdenttiń pasportyndaǵy ulty qazaq degen móri arqyly emdik-saýyqtyrý, t.b sharalaryn tegin alyp barmaq. Iaǵnı, endi olardyń medıınalyq kómekke júginýi barlyq Qazaqstan azamattarymen birdeı tarıfte bolady. Budan tys, jastardy QR azamattyǵyna qujat tapsyrǵanda elimizdegi turaqty tirkeýi bolýy kerek degen talap qynjyltady. Endi olar oqý orny basshylyǵynyń ruqsatymen turaqty tirkeýge tura alatyn boldy. Minekı, osynyń bári jan-jaqty kelisim nátıjesinde júzege asyp otyr.
Bıyl elimizdegi jalpy grantynyń 4%-y (shamamen 1500 oryn) etnıkalyq qazaqtarǵa bólingen. Stependııalyq baǵdarlama boıynsha bakalavrıatqa 25, magıstratýraǵa 125, PHD doktorantýraǵa 10 memlekettik grantyn ıelenýge bolady.
Jıyn sońynda «Zerdeli» aqyl-oı damytý ortalyǵynyń mamandary bolashaqta qandaı qyzmet túrin tańdaý qajettiligi týrasynda motevaııalyq baıandama jasady. Jastar da óz oılaryn ortaǵa saldy.
«Elim, jerim!» — dep kelgen qandas jastardyń bul qadamyna biz de qut jaýsyn degen tilektemiz. El irgesi tynysh, urpaǵymyz ulaǵatty bolǵaı.