جاڭالىقتار

ساپارباەۆ ورالماندارعا باسپانا بەرىلۋ قاجەتتىگىن ايتتى

ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ ەلىمىزدە ورالمانداردى قازاقستانعا قايتارۋ ءۇشىن قالاي ىنتالاندىراتىنىن ايتتى دەپ حابارلايدى KAZ.NUR.KZ.

«قازاقستاننان تىس جەرلەردە ءبىزدىڭ 3 ملن-نان استام وتانداسىمىز تۇرادى. مەملەكەت ەتنيكالىق قازاقتاردى تاريحي وتانىنا كوشۋگە قالاي ىنتالاندىراتىن بولادى? قانداي قولداۋ شارالارى قاراستىرىلعان», — دەدى بيبىگۇل ەسىمدى قازاقستان تۇرعىنى.
«بىرىنشىدەن, ءبىزدىڭ وتانداستارىمىزعا قازاقستاننىڭ كەز كەلگەن وڭىرىندە ءومىر سۇرۋگە مۇمكىندىك بەرىلەدى. ەكىنشى-كوشكەن كەزدە جاردەماقى تولەنەدى, مەنىڭ ويىمشا, وتباسى مۇشەسىنە 8 مىڭ تەڭگەگە جۋىق بەرىلەدى. ەگەر تۇرعىلىقتى جەرىنە بايلانىستى, قالا نەمەسە اۋىلدا, بىردەن پاتەر نەمەسە تۇرعىن ءۇي ۇسىنىلماسا, 12 اي بويى 30-دان 70 مىڭ تەڭگەگە دەيىن تولەنەدى», — دەدى مينيستر.
ساپارباەۆ — قازاقستاندا ورالماندار ءۇشىن وڭالتۋ ورتالىقتارى مەن جاتاقحانالار قايتا اشىلاتىنىن ءتۇرتىپ ءوتتى.

«قازىر ءبىز بارلىعىن بۇرىنعىداي قالىپقا كەلتىرۋگە تىرىسىپ جاتىرمىز. 10 جىل بۇرىن بىزدە ورالماندارعا ارنالعان بەيىمدەۋ ورتالىقتارى مەن جاتاقحانالار بولعان. وكىنىشكە قاراي, ولاردىڭ قايدا كەتكەنىن بىلمەيمىن, بىراق ونىمەن اينالىسۋ كەرەك», -دەدى ول.

وسى ايداردا

دوباۆيت كوممەنتاري

Close