Saparbaev oralmandarǵa baspana berilý qajettigin aıtty

Eńbek jáne halyqty áleýmettik qorǵaý mınıstri Berdibek Saparbaev elimizde oralmandardy Qazaqstanǵa qaıtarý úshin qalaı yntalandyratynyn aıtty dep habarlaıdy KAZ.NUR.KZ.

«Qazaqstannan tys jerlerde bizdiń 3 mln-nan astam otandasymyz turady. Memleket etnıkalyq qazaqtardy tarıhı otanyna kóshýge qalaı yntalandyratyn bolady? Qandaı qoldaý sharalary qarastyrylǵan», — dedi Bıbigúl esimdi Qazaqstan turǵyny.
«Birinshiden, bizdiń otandastarymyzǵa Qazaqstannyń kez kelgen óńirinde ómir súrýge múmkindik beriledi. Ekinshi-kóshken kezde járdemaqy tólenedi, meniń oıymsha, otbasy múshesine 8 myń teńgege jýyq beriledi. Eger turǵylyqty jerine baılanysty, qala nemese aýylda, birden páter nemese turǵyn úı usynylmasa, 12 aı boıy 30-dan 70 myń teńgege deıin tólenedi», — dedi mınıstr.
Saparbaev — Qazaqstanda oralmandar úshin Ońaltý ortalyqtary men jataqhanalar qaıta ashylatynyn túrtip ótti.

«Qazir biz barlyǵyn burynǵydaı qalypqa keltirýge tyrysyp jatyrmyz. 10 jyl buryn bizde oralmandarǵa arnalǵan beıimdeý ortalyqtary men jataqhanalar bolǵan. О́kinishke qaraı, olardyń qaıda ketkenin bilmeımin, biraq onymen aınalysý kerek», -dedi ol.