«Әншілер 10 миллионға келді». Шымкентте 200 миллион теңгеге жасалған сүндет той жұртты шулатты

Фото: ашық дереккөз

Желіде Шымкентте өткен сүндет тойдың видеосы тарап, жұртты шулатты, – деп хабарлайды Skifnews.kz ақпарат порталы.

Сүндет тойдың кадрларын блогер Айя Әжібек әлеуметтік желідегі парақшасында бөлісті. Блогердің айтуынша, тойды оның құрбысы өткізген. Оның мәліметінше, тойға әншілердің өзі 10 миллион теңгеге шақырылған.

«Шымкенттегі 200 миллион теңгелік сүндет той. Бұл тойдың иесі – менің ең жақын құрбым Әсел. Әселмен университет оқып жүргенде таныстық. Бір етікті киіп, бір нанды бөліп жегенбіз. Ол туралы бүгін стористе бөлісемін. Туф, мына тойдың атмосферасын видеодан сезіндіңіз бе? Шымкенттің нөмірі бірінші тойханасында осындай атмосфера болды. Әншілердің өзі 10 миллион теңгеге келді.
Иә, осындай достарым бар. Ал сіз сүндет тойды осылай дүркіретіп өткізуге қалай қарайсыз?» – деп жазған ол.