الماتىلىق وقۋشى بىرنەشە جىل جيناعان اقشاسىن ارىستىقتارعا بەردى (فوتو, ۆيدەو)

الماتىلىق وقۋشى الديار داۋلەت ۇلى بىرنەشە جىل جيناعان اقشاسىن ارىستىقتارعا جىبەردى دەپ حابارلايدى «ەۋرازيا ءبىرىنشى ارناسى».



الماتىدا تۇراتىن الديار ويىن پريستاۆكاسىن الۋ ءۇشىن اقشانى ەكى جىل بويى جيناعان. بىراق ارىستاعى وقيعادان كەيىن ول ويىن وزگەرتگەن.

«مەن باسىندا مۇلدە باسقا زات العىم كەلگەن. پلەي ستەيشندى. بىراق ودان كەيىن ءبىلدىم, ويلاندىم دا قايىرىمدىلىق جاساعان دۇرىس بولادى دەپ شەشتىم», — دەيدى جەتكىنشەك.
الدياردىڭ اكەسى ۇلىنىڭ بۇل ارەكەتىن پيار ءادىس نە ماقتانىش ەمەس دەپ كەسىپ ايتتى.

ول بالاسى وسىنداي شەشىم قابىلداعان سوڭ بەتىن قاقپاي, بىردەن قولداعان.

«سويلەسكەن كەزدە كوپيلكاداعى جينالعان اقشاعا قامقورلىق جاساسام دەپ ءوزى نيەت ەتتى. بۇل بۇكىل حالىقتىڭ, بارشا قازاقستاننىڭ قايعىسى عوي راسىندا. قۇداي بەتىن ءارى قىلسىن مۇندايدان», — دەدى الدياردىڭ اكەسى داۋلەت ساتاەۆ.

توتەنشە جاعدايدى ەستىگەن وقۋشىلار دا قايىرىمدى ىسكە اتساسىلۋدا. «جاس ۇلاندىق» جاستار مەكتەپتەردە شتاب قۇرىپ, قاتارلاستىرىنىڭ اكەلگەن كومەگىن جيناستىرىپ جاتىر ەكەن.

«بىزگە 20-30 شاقتى وقۋشىلار كەلدى ەستىگەندەر. وسى كۇندەرى 20-30 كەلسە, بىزگە ءالى جازىپ جاتىر قاشان كەلەيىك, ەرتەڭ نە ارعى كۇنى كەلسەك بولادى ما دەپ. ارعى كۇندەرى تاعى 25-30 وقۋشى كەلمەكشى. بارلىعى كادىمگى مەكتەپ وقۋشىلارى», — دەيدى دانيار بەكەتوۆ.
ەسكە سالا كەتەيىك, ەلىمىزدە «ارىس, ءبىز بىرگەمىز» ناۋقانى ءجۇرىپ جاتىر. ادامدار زارداپ شەككەندەرگە كومەكتەسۋ ءۇشىن جۇمىلا كىرىسۋدە.

وتاندىق جۇلدىزدار شىمكەنتكە بارىپ, ارىستىقتارعا قولداۋ كورسەتكەن بولاتىن.

قازاقستاندىق كاسىپكەرلەر جاپا شەككەندەرگە كومەكتەسۋ ءۇشىن اتسالىسىپ, اقشا اۋدارۋدا. قايرات قۇدايبەرگەن شىمكەنتكە بارىپ, قاجەتتى زاتتاردى تاراتقان.