Almatylyq oqýshy birneshe jyl jınaǵan aqshasyn arystyqtarǵa berdi (foto, vıdeo)

Almatylyq oqýshy Aldııar Dáýletuly birneshe jyl jınaǵan aqshasyn arystyqtarǵa jiberdi dep habarlaıdy «Eýrazııa birinshi arnasy».



Almatyda turatyn Aldııar oıyn prıstavkasyn alý úshin aqshany eki jyl boıy jınaǵan. Biraq Arystaǵy oqıǵadan keıin ol oıyn ózgertgen.

«Men basynda múlde basqa zat alǵym kelgen. Pleı steıshndi. Biraq odan keıin bildim, oılandym da qaıyrymdylyq jasaǵan durys bolady dep sheshtim», — deıdi jetkinshek.
Aldıardyń ákesi ulynyń bul áreketin pıar ádis ne maqtanysh emes dep kesip aıtty.

Ol balasy osyndaı sheshim qabyldaǵan soń betin qaqpaı, birden qoldaǵan.

«Sóılesken kezde kopılkadaǵy jınalǵan aqshaǵa qamqorlyq jasasam dep ózi nıet etti. Bul búkil halyqtyń, barsha Qazaqstannyń qaıǵysy ǵoı rasynda. Qudaı betin ári qylsyn mundaıdan», — dedi Aldııardyń ákesi Dáýlet Sataev.

Tótenshe jaǵdaıdy estigen oqýshylar da qaıyrymdy iske atsasylýda. «Jas Ulandyq» jastar mektepterde shtab quryp, qatarlastyrynyń ákelgen kómegin jınastyryp jatyr eken.

«Bizge 20-30 shaqty oqýshylar keldi estigender. Osy kúnderi 20-30 kelse, bizge áli jazyp jatyr qashan keleıik, erteń ne arǵy kúni kelsek bolady ma dep. Arǵy kúnderi taǵy 25-30 oqýshy kelmekshi. Barlyǵy kádimgi mektep oqýshylary», — deıdi Danııar Beketov.
Eske sala keteıik, elimizde «Arys, biz birgemiz» naýqany júrip jatyr. Adamdar zardap shekkenderge kómektesý úshin jumyla kirisýde.

Otandyq juldyzdar Shymkentke baryp, arystyqtarǵa qoldaý kórsetken bolatyn.

Qazaqstandyq kásipkerler japa shekkenderge kómektesý úshin atsalysyp, aqsha aýdarýda. Qaırat Qudaıbergen Shymkentke baryp, qajetti zattardy taratqan.