«Eshqaıda barýdyń da, qujatpen júgirýdiń de qajeti joq»: Salyq raqymshylyǵyna iligý úshin ne isteý kerek

Salyq amnıstııasyna iliný úshin ótinish jazýdyń nemese belgili bir jerge barýdyń qajeti joq. Bir ǵana shart – jınalǵan negizgi qaryzdy óteý. Bul týraly QR qarjy vıe-mınıstri Qanat Baedilov úkimette ótken baspasóz konferenııasy kezinde aıtty. Sondaı-aq, ol bul proestiń qalaı júzege asatynyn túsindirdi.

«Eń aldymen, kelesi nársege nazarlaryńyzdy aýdarǵym kelip otyr. О́simpuldy alyp tastaý úshin fızıkalyq tulǵa negizgi qaryzdy óteýi tıis bolady. Salyq tóleýshige bul úshin arnaıy bir jerge barýdyń qajeti joq. Memlekettik kiris organdary ózi monıtorıng júrgizip, fızıkalyq tulǵalardyń shottaryn baqylap otyrady. Olar negizgi qaryzdy tólegennen keıin ósimpulǵa baılanysty tıisti sheshim shyǵarady. Osy oraıda, 2019 jyldyń 1 qańtaryndaǵy jaǵdaı boıynsha salyq qaryzy bar azamattardy óziniń qaryzynan arylý múmkindigin paıdalanýǵa shaqyramyn», — dedi Qanat Baedilov.

Ári qaraı qarjy vıe-mınıstri salyq raqymshylyǵyna qatysty qujatqa memleket basshysynyń qol qoıǵanyn eske saldy. Sondaı-aq, zańǵa sáıkes, qaryzdy keshirý proesi qalaı júzege asatynyn anyqtaǵanyn aıtty.

«Dál qazir bul ereje tıisti organdarda tekserýden ótip jatyr. Jýyq arada ony maquldaıtyn bolamyz. Erejege sáıkes, árbir aýdandyq memlekettik kiris basqarmasynda komıssııa qurylady. Olar negizinen ósimpuldy keshirýmen aınalysady. Osyǵan sáıkes, kampanııany bastaý da josparda bar. Ol shilde aıynyń úshinshi toqsanynan bastalmaq», — dedi ol.

Sondaı-aq, Qanat Baedilov azamattardyń óziniń qaryzy týraly qaıdan bile alatynyna toqtaldy. Aıtýynsha, bul úshin bastapqyda EQ qajet bolady. Ony qoldaný arqyly qaryz týraly memlekettik kiris komıtetiniń ınternet resýrsynan jáne egov.kz, elektrondy úkimet saıttarynan bilýge bolady.

«О́kinishke oraı, bastapqyda EQ qajet bolady. Memlekettik kiris organdary men qarjy mınıstrligi birigip, EQ-sy joq azamattarǵa jaǵdaı jasap jatyrmyz. Olarǵa arnap memlekettik kiris komıtetiniń saıtynda arnaıy servıs quryldy.

Sol jerde JSN nómirin paıdalaný arqyly óziniń qaryzy týraly bile alady. Barlyq fızıkalyq tulǵa raqymshylyqqa iligýi úshin arnaıy ótinish jazyp, qandaı da bir qujattarmen júgirýdiń qajeti joq. Eń basty shart – joǵaryda atap ótkenimdeı negizgi qaryzdy tóleý», — dep qorytty vıe-mınıstr.

Esterińizge sala ketsek, osy ýaqytqa deıin Qazaqstanda salyq raqymshylyǵy júrip jatqanyn jáne oǵan kimderdiń ilinetini týraly habarlaǵan edik. Sondaı-aq, Qazaqstanda salyq qaryzy boıynsha qaı oblystar men qalalardyń kósh bastap turǵany belgili boldy.