جاڭالىقتار

الاكولگە بارا جاتقان جولاۋشىلار اۆتوبۋسى اۋدارىلدى

بۇگىن الماتىدان الاكول كولىنە دەمالۋشىلاردى جەتكىزبەك بولعان اۆتوبۋس اۋدارىلدى. كولىك ىشىندە 47 جولاۋشى بولعان, دەپ حابارلايدى قازاقپارات ءتىلشىسى.

«جول-كولىك وقيعاسى الماتى-وسكەمەن تاس جولىنىڭ 462 شاقىرىمىندا تىركەلدى. اۆتوبۋستىڭ ىشىندە 47 ادام بولعان. ءۇش ادامعا مەديتسينالىق كومەك قاجەت بولدى. سول سەبەپتى, ەكى ەر ادام مەن ءبىر ايەل سارقان قالاسىنىڭ اۋرۋحاناسىنا جەتكىزىلدى. اتالعان جول-كولىك وقيعاسىنا بايلانىستى قر قك 345-بابىنىڭ 2-تارماعىنا سايكەس سوت الدى تەرگەۋ باستالدى», — دەدى وبلىستىق پوليتسيا دەپارتامەنتىنىڭ ءباسپاسوز قىزمەتى. انىقتالعانداي, اۆتوبۋس الماتى وبلىسىنىڭ كوكتۇما اۋىلىنداعى الاكول جاعالاۋىنا دەمالۋشىلاردى جەتكىزبەك بولعان. پوليتسەيلەردىڭ مالىمەتىنشە, جولاۋشىلار ارى قاراي ساپارلارىن جالعاستىرعان.

ايتا كەتەيىك, قازىر تالدىقورعان-وسكەمەن تاس جولىندا كۇردەلى جوندەۋ جۇمىستارىنىڭ جۇرگىزىلۋىنە بايلانىستى جولاۋشىلار اينالما جول ارقىلى قاتىناۋدا. ماسەلەن, بۇعان دەيىن تالدىقورعاندىقتار الاكولگە 5 ساعاتتا جەتەتىن بولسا, قازىر 11 ساعات جول جۇرۋلەرىنە تۋرا كەلۋدە. ال الماتىلىقتار الاكولگە 8 ساعاتتىق جەرگە قازىر 15 ساعات جول ءجۇرىپ, جەتىپ جاتقاندارىن ايتادى.

دەرەككوز: https://www.inform.kz/kz/alakolge-bara-zhatkan-zholaushylar-avtobusy-audaryldy_a3547734

وسى ايداردا

دوباۆيت كوممەنتاري

Close