Alakólge bara jatqan jolaýshylar avtobýsy aýdaryldy

Búgin Almatydan Alakól kóline demalýshylardy jetkizbek bolǵan avtobýs aýdaryldy. Kólik ishinde 47 jolaýshy bolǵan, dep habarlaıdy QazAqparat tilshisi.

«Jol-kólik oqıǵasy Almaty-О́skemen tas jolynyń 462 shaqyrymynda tirkeldi. Avtobýstyń ishinde 47 adam bolǵan. Úsh adamǵa medıınalyq kómek qajet boldy. Sol sebepti, eki er adam men bir áıel Sarqan qalasynyń aýrýhanasyna jetkizildi. Atalǵan jol-kólik oqıǵasyna baılanysty QR QK 345-babynyń 2-tarmaǵyna sáıkes sot aldy tergeý bastaldy», — dedi oblystyq Polıııa departamentiniń baspasóz qyzmeti. Anyqtalǵandaı, avtobýs Almaty oblysynyń Kóktuma aýylyndaǵy Alakól jaǵalaýyna demalýshylardy jetkizbek bolǵan. Polıeılerdiń málimetinshe, jolaýshylar ary qaraı saparlaryn jalǵastyrǵan.

Aıta keteıik, qazir Taldyqorǵan-О́skemen tas jolynda kúrdeli jóndeý jumystarynyń júrgizilýine baılanysty jolaýshylar aınalma jol arqyly qatynaýda. Máselen, buǵan deıin taldyqorǵandyqtar Alakólge 5 saǵatta jetetin bolsa, qazir 11 saǵat jol júrýlerine týra kelýde. Al almatylyqtar Alakólge 8 saǵattyq jerge qazir 15 saǵat jol júrip, jetip jatqandaryn aıtady.

Derekkóz: https://www.inform.kz/kz/alakolge-bara-zhatkan-zholaushylar-avtobusy-audaryldy_a3547734