Asyqsań aıyppul arqalaısyń. Jol erejesi taǵy ózgeredi

Bul joldaǵy qaýipsizdikti arttyrady desedi.

QR Ishki ister mınıstrligine «ortasha jyldamdyq» uǵymyn engizý men ony asyrǵandardy aqshamen jazalaý jaǵyn oılastyrý tapsyrylǵan bolatyn. Bul týraly IIM Ákimshilik polıııa komıteti tóraǵasynyń orynbasary Álibek Keńisbaev Ortalyq kommýnıkaııalar qyzmetinde ótken brıfıngte aıtty, dep habarlaıdy Zakon.kz.

3 shildede Ishki ister mınıstrligi men parlament depýtattary jol qozǵalysy qaýipsizdigi máseleleri boıynsha dóńgelek ústel ótkizip, onyń barysynda jol qozǵalysy qaýipsizdiginiń deńgeıin arttyrýǵa baǵyttalǵan birqatar usynystar jasaldy. Eldegi árbir úshinshi jol apatyna jyldamdyqty arttyrý sebep degen dáıek aıtyldy. Soǵan baılanysty, jyldamdyqty arttyrýmen kúresý úshin Ishki ister mınıstrligine «ortasha jyldamdyq» uǵymyn zańǵa engizý usynyldy, – dep atap ótti Keńisbaev.

Onyń sózinshe, ortasha jyldamdyq úshin jazalaý júzege bylaı asyrylmaq: máselen, Nur-Sultan-Býrabaı tas jolynyń basynda ornatylǵan kamera kóliktiń markasy men nómirin, ótken ýaqytyn jazyp alady. Tas joldyń aıaǵynda, Býrabaıdyń kire berisinde ornatylatyn ekinshi kamera kóliktiń jetken ýaqytyn eseptep, ortasha jyldamdyǵyn shyǵara qoıady.

— Eger ortasha jyldamdyq ruqsat etilgen mejeden asyp ketse, mysaly, ruqsatty jyldamdyq 140 shaqyrym/saǵat bolsa, al kamera eseptegen kórsetkish 150-den asyp ketse – júrgizýshi aıyppul arqalaıdy, — dep túsindirdi polıeı.
«Ortasha» jyldamdyq ólsheý kameralary qala syrtynda, respýblıkalyq mańyzy bar joldarǵa ornatylmaq eken.

— Bul joldaǵy jaǵdaıdyń jaqsarýyna, sondaı-aq jazataıym oqıǵalar sanynyń azaıýyna áser etedi… Ortasha jyldamdyq úshin salynatyn aıyppulǵa kelsek, 592-bap – jyldamdyqty asyrý úshin jaýapkershilik kózdeıdi. Bólek aıyppul oılap tappaımyz, — dep atap ótti Komıtet basshysynyń orynbasary.