توقاەۆقا تىكەلەي حات جازۋعا بولادى

پرەزيدەنتتىڭ ۆيرتۋالدى قابىلداۋى اشىلدى.

قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ مۇقتاج جاندارعا دەر كەزىندە كومەك كورسەتۋ ماقساتىندا اقوردا سايتىنان اشىلعان ۆيرتۋالدى قابىلداۋىنا حات جازۋدى ۇسىندى.

بۇل مالىمدەمە مەملەكەت باسشىسىنىڭ Instagram-اككاۋنتىندا جاريالاندى.

– قۇرمەتتى وقىرماندارىم! مەنىڭ پاراقشاما مىڭداعان وقىرمان پىكىرلەرىن جازىپ, ساۋالدارىن جولداپ جاتادى. ولاردىڭ ىشىندە جۇيەلى تۇردە جۇمىس ىستەۋدى قاجەت ەتەتىن كۇردەلى ماسەلەلەر دە بار. اركىم ءوز سۇراعىنا جاۋاپ الىپ, پىكىرىنىڭ ەسكەرىلگەنىن قالايدى. الايدا, بارلىق وتىنىشتەرگە وسى پاراقشا ارقىلى جاۋاپ بەرۋ مۇمكىن ەمەس ەكەنىن وزدەرىڭىز دە جاقسى تۇسىنەسىزدەر.
قوعاممەن پىكىر الماسۋدى جولعا قويۋ, ءاربىر ازاماتتىڭ سۇراۋىن قاناعاتتاندىرۋ, مۇقتاج جاندارعا دەر كەزىندە كومەك كورسەتۋ ماقساتىندا www.akorda.kz سايتىندا مەنىڭ ۆيرتۋالدى قابىلداۋىم اشىلدى. قازىردىڭ وزىندە ۆيرتۋالدى قابىلداۋعا كوپتەگەن حاتتار كەلىپ تۇسۋدە. رەسپۋبليكا ازاماتتارىنىڭ جەكە نەمەسە قوعامدىق سيپاتتاعى ءتۇرلى ماسەلەلەرى بويىنشا وتىنىشتەرى قارالادى. ءار حات رەسمي تىركەلەدى, ونى ءوزىم دە قارايمىن جانە اكىمشىلىك قىزمەتكەرلەرى دە قاراستىرادى.

بۇل – ەلىمىزدىڭ ءاربىر ازاماتى رەسمي تۇردە سۇراۋ سالۋعا مۇمكىندىك بەرەتىن, زاڭدى كۇشى بار ۆيرتۋالدى قابىلداۋ, – دەلىنگەن حابارلامادا.