Toqaevqa tikeleı hat jazýǵa bolady

Prezıdenttiń vırtýaldy qabyldaýy ashyldy.

Qazaqstan Respýblıkasynyń Prezıdenti Qasym-Jomart Toqaev muqtaj jandarǵa der kezinde kómek kórsetý maqsatynda Aqorda saıtynan ashylǵan vırtýaldy qabyldaýyna hat jazýdy usyndy.

Bul málimdeme memleket basshysynyń Instagram-akkaýntynda jarııalandy.

– Qurmetti oqyrmandarym! Meniń paraqshama myńdaǵan oqyrman pikirlerin jazyp, saýaldaryn joldap jatady. Olardyń ishinde júıeli túrde jumys isteýdi qajet etetin kúrdeli máseleler de bar. Árkim óz suraǵyna jaýap alyp, pikiriniń eskerilgenin qalaıdy. Alaıda, barlyq ótinishterge osy paraqsha arqyly jaýap berý múmkin emes ekenin ózderińiz de jaqsy túsinesizder.
Qoǵammen pikir almasýdy jolǵa qoıý, árbir azamattyń suraýyn qanaǵattandyrý, muqtaj jandarǵa der kezinde kómek kórsetý maqsatynda www.akorda.kz saıtynda meniń Vırtýaldy qabyldaýym ashyldy. Qazirdiń ózinde Vırtýaldy qabyldaýǵa kóptegen hattar kelip túsýde. Respýblıka azamattarynyń jeke nemese qoǵamdyq sıpattaǵy túrli máseleleri boıynsha ótinishteri qaralady. Ár hat resmı tirkeledi, ony ózim de qaraımyn jáne Ákimshilik qyzmetkerleri de qarastyrady.

Bul – elimizdiń árbir azamaty resmı túrde suraý salýǵa múmkindik beretin, zańdy kúshi bar vırtýaldy qabyldaý, – delingen habarlamada.