جاڭالىقتار
توقاەۆتىڭ جارلىعى: قازاقستاندا 2025 جىلدان باستاپ قانداي وزگەرىس بولادى
جالپىعا ورتاق دەكلاراتسيالاۋ قازاقستاندا التى جىلدان كەيىن – 2025 جىلدان باستاپ ەنگىزىلەدى. قازاقستان قارجى مينيسترلىگىنىڭ مەملەكەتتىك كىرىستەر كوميتەتى جالپىعا ورتاق دەكلاراتسيالاۋعا كەزەڭ-كەزەڭمەن كوشۋ ءتارتىبىن ءتۇسىندىردى, دەپ حابارلايدى Sputnik قازاقستان.
توقاەۆ حالىقتىڭ تۇرمىسىن جەڭىلدەتەتىن تاعى ءبىر زاڭعا قول قويدى
ۆەدومستۆو تۇسىندىرگەندەي, ءبىرىنشى كەزەڭدە 2021 جىلدىڭ 1 قاڭتارىنان باستاپ – جالپىعا ورتاق دەكلاراتسيا اياسىندا مىنا توپتاعى ادامدار دەكلاراتسيا تاپسىرادى:
جاۋاپتى مەملەكەتتىك قىزمەت اتقاراتىن قازاقستاندىقتار جانە ولاردىڭ جۇبايلارى;
مەملەكەتتىك فۋنكتسيالاردى ورىنداۋعا ۋاكىلەتتى ادامدار جانە ولاردىڭ جۇبايلارى;
مەملەكەتتىك فۋنكتسيالاردى ورىنداۋعا ۋاكىلەتتى ادامدارعا تەڭەستىرىلگەن تۇلعالار جانە ولاردىڭ جۇبايلارى;
«قازاقستان رەسپۋبليكاسىنداعى سايلاۋ تۋرالى» قر كونستيتۋتسيالىق زاڭىنا جانە «سىبايلاس جەمقورلىققا قارسى ءىس-قيمىل تۋرالى», «قازاقستان رەسپۋبليكاسىنداعى بانكتەر جانە بانك قىزمەتى تۋرالى», «ساقتاندىرۋ قىزمەتى تۋرالى», «قۇندى قاعازدار نارىعى تۋرالى» زاڭعا سايكەس دەكلاراتسيا تاپسىرۋ جونىندە مىندەتتەمە جۇكتەلگەن تۇلعالار.
ەكىنشى كەزەڭ 2023 جىلدىڭ 1 قاڭتارىنان, ەكى جىلدان كەيىن باستالادى. وسى كەزەڭدە مەملەكەتتىك مەكەمە قىزمەتكەرلەرى مەن ولاردىڭ جۇبايلارى, سونداي-اق كۆازيمەملەكەتتىك سەكتور سۋبەكتىلەرى قىزمەتكەرلەرى مەن ولاردىڭ جۇبايلارى ءۇشىن دەكلاراتسيا قاراستىرىلعان.
ءۇشىنشى كەزەڭ 2024 جىلدىڭ 1 قاڭتارىنان باستالادى: زاڭدى تۇلعالاردىڭ باسشىلارى مەن قۇرىلتايشىلارى جانە ولاردىڭ جۇبايلارىنا, جەكە كاسىپكەرلەر مەن ولاردىڭ جۇبايلارىنا دەكلاراتسيا ەنگىزىلەدى.
ءتورتىنشى كەزەڭ 2025 جىلدىڭ 1 قاڭتارىنان باستالادى – ازاماتتاردىڭ قالعان ساناتتارى ءۇشىن دەكلاراتسيا ەنگىزىلەدى (بارلىق قازاقستاندىق ءۇشىن).
بۇعان دەيىن مەملەكەتتىك كىرىستەر كوميتەتى قاراعاندى وبلىسى اۋداندارىنىڭ بىرىندە دەكلاراتسيالاۋ بويىنشا ىسكە قوسىلعان پيلوتتىق جوبادان پروبلەمالىق ماسەلە تابىلعانىن حابارلادى. قازاقستان حالقىن جالپىعا ورتاق دەكلاراتسيالاۋعا دايىنداۋ ءۇشىن قوسىمشا ۋاقىت قاجەت ەكەنى انىقتالدى.
وسىعان بايلانىستى قارجى مينيسترلىگى جالپىعا ورتاق دەكلاراتسيالاۋدى كەزەڭ-كەزەڭمەن جۇزەگە اسىرۋ تۋرالى ۇسىنىس جاسادى.
ءارى قاراي وقۋ: https://sputniknews.kz/economy/20190705/10839839/Toqaevtyn-zharlygy-Qazaqstanda-2025-zhyldan-bastap-qanday-ozgeris-bolady.html
