الماتى وبلىسىندا دالا ءورتىن وشىرمەك بولعان 3 ادام كوز جۇمدى

الماتى وبلىسىنىڭ پانفيلوۆ اۋدانىندا دالا ورتىنەن 3 ادام قازا تاۋىپ, 7 ادام دەنە جاراقاتىمەن اۋرۋحاناعا ءتۇستى. كوز جۇمعانداردىڭ ءبىرى – ورمانشى, ەكەۋى – ەرىكتى. اۋرۋحاناداعى 6 ادامنىڭ دەنەسىن كۇيىك شالسا, بىرەۋى ءورت ءسوندىرىپ ءجۇرىپ, اياعىن سىندىرىپ العان. ءورت كەشە ءتۇس الەتىندە تاۋ ەتەگىندەگى جايىلىمدىق جەردەن تۇتانعان. قازا تاۋىپ, جاراقات العان ادامداردىڭ كوبى ءتىلسىز جاۋدى اۋىزدىقتاۋعا بارعان ەرىكتىلەر ەكەن. قىزىل جالىنمەن ارپالىسامىن دەپ سۇم اجالدىڭ تىرناعىنا ىلىنگەن ازاماتتاردىڭ ءبىرى پانفيلوۆ اۋداندىق اكىمدىگىندە كولىك جۇرگىزۋشىسى بولىپ جۇمىس ىستەگەن. ونىڭ ارتىندا 5 بالاسى قالدى. «قازا تاپقان ازاماتتاردىڭ وتباسىنا ماتەريالدىق كومەك كورسەتىلەدى. بۇل جولعى دالا ورتىنەن 400 گەكتار جەر ورتەندى», – دەدى الماتى وبلىسى اكىمىنىڭ ءباسپاسوز حاتشىسى عالىمۇرات جۇكەل.

دەرەككوز: https://24.kz/kz/zha-aly-tar/sport/item/332650-almaty-oblysynda-dala-rtin-shirmek-bol-an-3-adam-k-z-zh-mdy