Almaty oblysynda dala órtin óshirmek bolǵan 3 adam kóz jumdy

Almaty oblysynyń Panfılov aýdanynda dala órtinen 3 adam qaza taýyp, 7 adam dene jaraqatymen aýrýhanaǵa tústi. Kóz jumǵandardyń biri – ormanshy, ekeýi – erikti. Aýrýhanadaǵy 6 adamnyń denesin kúıik shalsa, bireýi órt sóndirip júrip, aıaǵyn syndyryp alǵan. О́rt keshe tús áletinde taý etegindegi jaıylymdyq jerden tutanǵan. Qaza taýyp, jaraqat alǵan adamdardyń kóbi tilsiz jaýdy aýyzdyqtaýǵa barǵan eriktiler eken. Qyzyl jalynmen arpalysamyn dep sum ajaldyń tyrnaǵyna ilingen azamattardyń biri Panfılov aýdandyq ákimdiginde kólik júrgizýshisi bolyp jumys istegen. Onyń artynda 5 balasy qaldy. «Qaza tapqan azamattardyń otbasyna materıaldyq kómek kórsetiledi. Bul jolǵy dala órtinen 400 gektar jer órtendi», – dedi Almaty oblysy ákiminiń baspasóz hatshysy Ǵalymurat Júkel.

Derekkóz: https://24.kz/kz/zha-aly-tar/sport/item/332650-almaty-oblysynda-dala-rtin-shirmek-bol-an-3-adam-k-z-zh-mdy