قازاقستاندا شەتەلدەن اۆتوكولىك اكەلۋگە تىيىم سالىنادى

ۆيتسە-مينيستر كەيبىر شەتەلدىك تاۋارلاردى ساتىپ الۋعا 2 جىل شەكتەۋ قويىلاتىنىن مالىمدەدى

قر يندۋستريا جانە ينفراقۇرىلىمدىق دامۋ ۆيتسە-ءمينيسترى امانياز ەرجانوۆ مەملەكەتتىك قىزمەتكەرلەر ءۇشىن شەتەلدىك اۆتوكولىك ساتىپ الۋعا, سونداي-اق شەتەلدەن ترانسفورماتور مەن كابەل اكەلۋگە تىيىم سالىناتىنىن ايتتى, دەپ حابارلايدى Sputnik قازاقستان ءتىلشىسى.
ۆيتسە-مينيستر قاۋلى وتكەن اپتادا قابىلدانعانىن جەتكىزدى.

«قۇجاتتاعى تىزىمگە اۆتوموبيل, ترانسفورماتور, كابەل كىردى. 3 قاۋىمداستىق وسى ەرەجەنى ەنگىزۋگە ۇسىنىس جاسادى. قاۋلى اياسىندا 2 جىل بويى مەملەكەتتىك ساتىپ الۋلار بويىنشا تەك وتاندىق ونىمدەر الىنۋى قاجەت», — دەدى امانياز ەرجانوۆ ۇكىمەتتىڭ ءباسپاسوز ورتالىعىندا وتكەن ءباسپاسوز كونفەرەنتسياسىنان سوڭ.
ونىڭ پىكىرىنشە, اتالعان شارا وسى سالادا جۇمىس ىستەيتىن وتاندىق كاسىپورىنداردىڭ دامۋىنا ىقپال ەتەدى.
«بۇگىن كابەل ءونىمىن شىعارۋ 80%-كە ءوستى. قاراعاندى, پاۆلودار, اتىراۋداعى كاسىپورىندار تالشىقتى-وپتيكالىق كابەل جۇرگىزۋگە قاجەتتى ءونىمدى شىعارا الادى. بۇل ءونىمدى «قازاقتەلەكوم» كومپانياسى پايدالانىپ جاتىر. ال وسىعان دەيىن يمپورتتىق ونىمدەر جانە ترانسفورماتورلار, اۆتوموبيلدەر شەتەلدەن ساتىپ الىنىپ كەلدى», — دەيدى ۆيتسە-مينيستر.

جۋرناليستەر ۆەدومستۆو وكىلىنەن قازىرگى كەزدە نەمىس كولىگىمەن جۇرەتىن مەملەكەتتىك قىزمەتشىلەر, ونىڭ ىشىندە مينيسترلەر قانداي وتاندىق ءونىمدى پايدالاناتىنىن سۇرادى.
امانياز ەرجانوۆ ەلىمىزدە Ravon, KIA, SsangYong كولىكتەرى قۇراستىرىلاتىنىن اتاپ ءوتتى. ەكى جىلدىق تىيىم كەزىندە مەملەكەتتىك قىزمەتكەرلەر وسى مودەلدەردى ساتىپ الادى ەكەن.
«مينيسترلەر Mercedes-پەن جۇرەدى دەپ مىسقىلداۋعا بولمايدى. ول «مەرسەدەستەر» بۇرىن ساتىپ الىنعان, ولارعا 10-15 جىل بولعان», — دەپ جاۋاپ بەردى ۆيتسە-مينيستر.
ەرجانوۆ شەتەلدەن اۆتوكولىك اكەلۋدى شەكتەۋ ەلىمىزدەگى كولىك نارىعىنداعى باعالارعا اسەر ەتپەيتىنىن ايتتى.
«اۆتوكولىكتىڭ باعاسى ارزاندامايدى. سەبەبى, كەز كەلگەن ءونىمدى شىعارۋ كەزىندە شىعىن بولادى. مىسالى, اۆتوبولشەكتەر, شيكىزاتتاردىڭ ءوز باعاسى بار. ءونىمنىڭ باعاسى شىعىننىڭ ەسەبىنەن قۇرالادى», — دەپ ءتۇسىندىردى ول.
ونىڭ ايتۋىنشا, باعا ءوندىرىس ەلىمىزدە بولعاندا, بولشەكتەردىڭ 50%-ءى قازاقستاندا جاسالعاندا تومەندەۋى مۇمكىن. وعان 3-5 جىل ۋاقىت كەرەك.
«ونىڭ وزىندە بۇل قارجىلاندىرۋ كوزىنە جانە مەملەكەتتىڭ وندىرىسكە قانداي جاعداي جاسايتىنىنا بايلانىستى», — دەپ تۇيىندەدى ۆيتسە-مينيستر.

ءارى قاراي وقۋ: https://sputniknews.kz/economy/20190801/11125890/Qazaqstandyqtar-endi-shetelden-avtokolik-akele-almaydy.html