قۇقىق

ەلىمىزدە ءوزىن ءوزى قورعاۋ ماقساتىندا تراۆماتيكالىق قارۋ ۇستاۋعا رۇقسات بەرىلمەيدى

قازاقستاندىقتارعا ءوزىن ءوزى قورعاۋ ماقساتىندا تراۆماتيكالىق قارۋ ۇستاۋعا رۇقسات بەرىلمەيدى. قر ىشكى ىستەر مينيسترلىگى اكىمشىلىك پوليتسيا كوميتەتىنىڭ توراعاسى ماقسات بايبولوۆ ارنايى بريفينگتە وسىلاي دەپ ءمالىم ەتتى. مانەرلەپ سىرعاناۋشى دەنيس تەننىڭ قايعىلى قازاسىنان كەيىن قازاقستاندىقتار ءوزىن ءوزى قورعاۋ ماقساتىندا تراۆماتيكالىق قارۋ پايدالانۋعا قايتا رۇقسات بەرۋدى سۇراعان بولاتىن. مينيسترلىك وكىلى ۆەدومستۆونىڭ بۇل ماسەلەدەگى ۇستانىمى تۋرالى ايتتى. «بۇل ماسەلەنى ءبىز قاراستىردىق. تالداۋ جاساي كەلە ونداي قاجەتتىلىك جوق دەگەن شەشىمگە كەلدىك. تراۆماتيكالىق قارۋعا 2014 جىلى تىيىم سالىنعان بولاتىن. سوڭعى 5 جىلدا سونىڭ وڭ اسەرى بايقالدى. كوپتەگەن ادامدار ونى زاڭعا قايشى ماقساتتاردا پايدالاندى. قارۋى بار ادامدار كەز كەلگەن كيكىلجىڭ بارىسىندا ونى قارسىلاسىنا كەزەنۋدى ادەتكە اينالدىردى. سوندىقتان باسقا ەلدەر سياقتى ءبىز دە تىيىم ەنگىزگەن بولاتىنبىز. بۇل تىيىمنىڭ كۇشىن جوياتىنداي قاجەتتىلىك كورىپ وتىرعان جوقپىز. پنەۆماتيكالىق قارۋ سپورتتىق جاراق ساناتىنا جاتادى. سوندىقتان ول تەك نىسانا كوزدەۋدە عانا قولدانىلۋى كەرەك», – دەدى م. بايبولوۆ.

دەرەكك0ز: https://24.kz/kz/zha-aly-tar/o-am/item/332966-travmatikaly-aru-a-tyjym-zhojylmajdy-r-iim

وسى ايداردا

پىكىر ۇستەۋ

Close