Quqyq

Elimizde ózin ózi qorǵaý maqsatynda travmatıkalyq qarý ustaýǵa ruqsat berilmeıdi

Qazaqstandyqtarǵa ózin ózi qorǵaý maqsatynda travmatıkalyq qarý ustaýǵa ruqsat berilmeıdi. QR Ishki ister mınıstrligi Ákimshilik polıııa komıtetiniń tóraǵasy Maqsat Baıbolov arnaıy brıfıngte osylaı dep málim etti. Mánerlep syrǵanaýshy Denıs Tenniń qaıǵyly qazasynan keıin qazaqstandyqtar ózin ózi qorǵaý maqsatynda travmatıkalyq qarý paıdalanýǵa qaıta ruqsat berýdi suraǵan bolatyn. Mınıstrlik ókili vedomstvonyń bul máseledegi ustanymy týraly aıtty. «Bul máseleni biz qarastyrdyq. Taldaý jasaı kele ondaı qajettilik joq degen sheshimge keldik. Travmatıkalyq qarýǵa 2014 jyly tyıym salynǵan bolatyn. Sońǵy 5 jylda sonyń oń áseri baıqaldy. Kóptegen adamdar ony zańǵa qaıshy maqsattarda paıdalandy. Qarýy bar adamdar kez kelgen kıkiljiń barysynda ony qarsylasyna kezenýdi ádetke aınaldyrdy. Sondyqtan basqa elder sııaqty biz de tyıym engizgen bolatynbyz. Bul tyıymnyń kúshin joıatyndaı qajettilik kórip otyrǵan joqpyz. Pnevmatıkalyq qarý sporttyq jaraq sanatyna jatady. Sondyqtan ol tek nysana kózdeýde ǵana qoldanylýy kerek», – dedi M. Baıbolov.

Derekk0z: https://24.kz/kz/zha-aly-tar/o-am/item/332966-travmatikaly-aru-a-tyjym-zhojylmajdy-r-iim

Osy aıdarda

Pikir ústeý

Close