جاڭالىقتار

قاسىم-جومارت توقاەۆ: كۇللى مۇسىلمان ۇمبەتىن قۇربان ايت مەرەكەسىمەن قۇتتىقتايمىن!

قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قازاقستاندىقتاردى قۇربان ايت مەرەكەسىمەن قۇتتىقتادى.

قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قۇربان ايت مەرەكەسىمەن قۇتتىقتاۋى قۇرمەتتى وتانداستار! كۇللى مۇسىلمان ۇمبەتىن قۇربان ايت مەرەكەسىمەن قۇتتىقتايمىن! قاسيەتتى قۇربان ايت – مەيىرىمدىلىك پەن قايىرىمدىلىق قۇندىلىقتارىنىڭ تەڭدەسسىز كورىنىسى رەتىندە حالقىمىزدىڭ رۋحاني دۇنيەسىنەن ەرەكشە ورىن الاتىن مەيرام. يماندىلىقتى وسكەلەڭ ۇرپاقتى تاربيەلەۋ كوزى دەپ سانايتىن مۇسىلمان قاۋىمى وسى كۇنى ىزگى نيەتىمەن يگى ىستەر اتقارىپ, ءوزارا تۇسىنىستىك پەن كەلىسىم رۋحىن نىعايتا تۇسەدى. بۇل ىنتىماق پەن بىرلىكتى قادىر تۇتىپ, ساقتاپ كەلە جاتقان ەلىمىز ءۇشىن وتە ماڭىزدى. قاسيەتتى مەيرامدا بارشاڭىزعا زور دەنساۋلىق, قۇت-بەرەكە تىلەيمىن. وتانىمىز – قازاقستان رەسپۋبليكاسى وركەندەي بەرسىن! قاسىم-جومارت توقاەۆ www.akorda.kz

وسى ايداردا

دوباۆيت كوممەنتاري

Close