1-synypqa álippe qaıtarylady

Bilim jáne ǵylym mınıstri Ashat Aımaǵambetov Tamyz konferenııasynda mektep baǵdarlamasynan alynyp tastalǵan álippe 2021 jyly qaıta engiziletinin aıtty.
«Álippe máselesin kópten beri ustazdarymyz, ata-analar kóterip júr. Bul másele mańyzdy. Biz álippeni qaıtarý kerek dep esepteımiz. Ol 2021 jyly ózderińizge jaqsy tanys qazaq tiline beıimdelgen Ahmet Baıtursynovtyń ádistemesi negizinde engiziledi. Biz qazir osyǵan baılanysty jumys júrgizip jatyrmyz», — dedi Aımaǵambetov.

Mınıstr álippeniń birneshe nusqasy qarastyrylǵanyn, alaıda baspalardyń «qısynsyz» nusqalarynan soń Baıtursynovtyń ádistemesine toqtalǵanyn aıtty.

«Bir baspa 11 daýyssyz, 11 daýysty dybys bar álippeni ákeledi. Endi bir baspa 4 daýyssyz, 4 daýysty dybys bar álippeni usynady. Nege olaı ekenin suraǵanda eshkim naqty jaýap bere almaıdy. Álippe eksperıment jasaıtyn nárse emes. Naqty qazaq tiline beıimdelgen ádisteme bar. Sondyqtan eshteńeni oıdan shyǵarmaı osy ádisteme negizinde jumys júrgizemiz», — dedi mınıstr.

Prezıdent aýyl mektepterine úzdik menedjerler men ustazdardy tartýdy tapsyrǵany týraly osyǵan deıin habarlaǵanbyz.

Sondaı-aq Tamyz konferenııasy barysynda memleket basshysy Qasym-Jomart Toqaev muǵalimniń eńbegin laıyqty baǵalaý qajet ekenin aıtty jáne ustazdardyń jalaqysyn eki ese ósirýdi tapsyrdy. Sonymen qatar prezıdent aǵylshyn tilin 2-3-synyptardan bastap oqytý oryndy ekenin atap ótti.

Nazerke ABIBÝLLA
Foto: Artıom Chýrsınov