مەملەكەت باسشىسى: اعىلشىن ءتىلىن وقىتۋدا اتا-انالاردىڭ قالاۋى ەسكەرىلەدى



اعىلشىن ءتىلىن وقىتۋدى 2-3-سىنىپتان نەمەسە اتا-انالاردىڭ قالاۋىمەن 5-سىنىپتان باستاپ وقىتۋ كەرەك. مەملەكەت باسشىسى قاسىم-جومارت توقاەۆ تامىز كونفەرەنتسياسىندا وسىلاي دەدى. پرەزيدەنت ءۇش ءتىلدى ءبىلىم بەرۋ جۇيەسىن ەنگىزۋ كۇن تارتىبىندەگى وتە وزەكتى ماسەلە ەكەنىن ايتتى. قاسىم-جومارت توقاەۆ ءاربىر بالا الدىمەن اتا ءتىلىن جەتىك ءبىلۋى كەرەك. باسىمدىقتى سوعان بەرۋى ءتيىس. «كەيىن وزگە تىلدەردى مەڭگەرۋگە قۇلشىنعانى ابزال», دەدى. سونداي-اق مەملەكەت باسشىسى جوعارعى سىنىپ وقۋشىلارىنا جاراتىلىستانۋ-تەحنيكالىق باعىتىنداعى پاندەردى مەكتەپتەردىڭ دايىندىعىنا قاراي وقىتۋ قاجەت ەكەنىن ايتتى. قاسىم-جومارت توقاەۆ, قازاقستان رەسپۋبليكاسىنىڭ پرەزيدەنتى: — «ءار حالىقتىڭ انا ءتىلى – ءبىلىمنىڭ كىلتى», — دەيدى اكادەميك احمەت جۇبانوۆ. بۇل ءسوز ءبىز ءۇشىن نەگىزگى ۇستانىمعا اينالۋى ءتيىس. ءۇش ءتىلدى جۇيەگە كوشۋ وقىتۋشىلار مەن ءبىلىم بەرۋ باعدارلامالارىنىڭ دايىندىعىنا قاراي جۇزەگە اسادى. بۇل رەتتە, عىلىمي-جاراتىلىستانۋ پاندەرىن اعىلشىن تىلىندە وقىتۋ ءبىلىم ورتالىقتارىنىڭ كادرلىق مۇمكىندىگىنە قاراي, وقۋشىلار مەن اتا-انالاردىڭ قالاۋى بويىنشا ىسكە اسۋى ءتيىس. تۇڭعىش پرەزيدەنتىمىز – ەلباسى نۇرسۇلتان ءابىش ۇلى نازارباەۆ: «قازاق ءتىلى ءۇش ءتىلدىڭ بىرەۋى بولىپ قالمايدى. ءۇش ءتىلدىڭ ءبىرىنشىسى, نەگىزگىسى, باستىسى, ماڭىزدىسى بولا بەرەدى», دەپ وتە ونەگەلى وي ايتتى. سوندىقتان اعىلشىن ءتىلىن وقىتۋدى 2-3-سىنىپتان نەمەسە اتا-انالاردىڭ قالاۋىنا قاراي 5-سىنىپتان باستاۋ ورىندى ءارى ءتيىمدى بولادى دەپ سانايمىن. ال, جوعارى سىنىپتاردا جاراتىلىستانۋ-تەحنيكالىق پاندەردى مەكتەپتەردىڭ دايىندىعىنا قاراپ جۇرگىزۋ قاجەت. سونداي-اق مەملەكەت باسشىسى جەرگىلىكتى اكىمدىكتەر مۇعالىمدەردى ءتۇرلى شارالارعا جۇمىلدىرۋ جۇمىستارىن دەرەۋ دوعارۋ كەرەكتىگىن ايتتى. قاسىم-جومارت توقاەۆ: «ۇستازدار قاۋىمىن باسقا جۇمىستارعا تارتۋ ارقىلى اكىمدەر ءوز قىزمەتتەرىن اسىرا پايدالانىپ وتىر», — دەدى. ودان بولەك, پرەزيدەنت مەكتەپكە دەيىنگى ءبىلىم بەرۋ ۇيىمدارىنىڭ جۇمىسىن ءجىتى باقىلاۋ قاجەتتىگىن ايتتى. ءسويتىپ, ۇكىمەتكە ارنايى زاڭ قابىلداۋدى تاپسىردى. ويتكەنى كەيىنگى جىلدارى ەلىمىزدەگى بوبەكجايلاردا بۇلدىرشىندەردى ۇرىپ-سوعۋ دەرەكتەرى جيىلەپ كەتكەن. قاسىم-جومارت توقاەۆ «مۇنداي باسسسىزدىقتى بولدىرماۋ», — قاجەت دەدى.

دەرەككوز: https://24.kz/kz/zha-aly-tar/bilim-zh-ne-ylym/item/334814-to-aev-a-ylshyn-tilin-o-ytuda-ata-analardy-alauy-eskeriledi