اسەت يرعاليەۆ قر ۇلتتىق ەكونوميكا ۆيتسە-ءمينيسترى بولىپ تاعايىندالدى

قر ۇكىمەتىنىڭ قاۋلىسىمەن اسەت ارمان ۇلى يرعاليەۆ قر ۇلتتىق ەكونوميكا ۆيتسە-ءمينيسترى قىزمەتىنە تاعايىندالدى, – دەپ حابارلايدى Tengrinews.kz ءتىلشىسى ۇكىمەت سايتىنا سىلتەمە جاساپ. اسەت يرعاليەۆ 1986 جىلى قوستاناي قالاسىندا دۇنيەگە كەلگەن. 2008 جىلى قازاقستاندىق مەنەدجمەنت, ەكونوميكا جانە بولجامداۋ  ينستيتۋتىن, شۆەتسيادا حالىقارالىق بيزنەس مەكتەبىن, 2009 جىلى – يورك ۋنيۆەرسيتەتىن جانە 2010 جىلى – نوتتينگەم ۋنيۆەرسيتەتىن تامامداعان. ماماندىعى – ەكونوميست. مەملەكەتتىك – قازاق, ورىس, اعىلشىن جانە نەمىس تىلدەرىن مەڭگەرگەن. ەڭبەك جولىن 2010 جىلعى قىركۇيەك ايىندا لوندونداعى ەۋروپا قايتا قۇرۋ جانە دامۋ بانكىنىڭ (ەققدب) ەكونوميكا دەپارتامەنتىندە شىعىس ەۋروپا جانە كاۆكاز بويىنشا ەكونوميكالىق ساياساتتىڭ ايماقتىق تالداۋشىسى رەتىندە باستاعان. 2011 جىلعى قازان ايىنان 2012 جىلعى قاراشا ارالىعىندا وسى دەپارتامەنتتە باس وڭىرلىك تالداۋشى بولىپ قىزمەت اتقارعان. 2011 جىلعى قاراشا ايىندا بانكتىڭ وڭىرلىك ەكونوميستى بولىپ ەڭبەك ەتكەن. 2013 جىلعى قاڭتاردا “ەكونوميكالىق زەرتتەۋلەر ينستيتۋتى” اق كاسىپكەرلىكتى دامىتۋ ورتالىعىنىڭ ديرەكتورى بولىپ تاعايىندالعان. اتالعان قۇرىلىمدا يرعاليەۆ 2016 جىلدىڭ باسىنا دەيىن باسقارما توراعاسىنىڭ ءبىرىنشى ورىنباسارى, باسقارما توراعاسىنىڭ ورىنباسارى, ۆيتسە-پرەزيدەنت لاۋازىمدارىن اتقارعان. 2016 جىلعى اقپان ايىندا “ەكونوميكالىق زەرتتەۋلەر ينستيتۋتى” اق باسقارما توراعاسى بولىپ تاعايىندالعان. 2016 جىلعى قازان ايىندا “بايتەرەك” ۇبح” اق باسقارما توراعاسىنىڭ كەڭەسشىسى قىزمەتىن اتقاردى, 2016 جىلعى جەلتوقساندا قر پرەمەر-ءمينيسترىنىڭ كەڭەسشىسى بولىپ تاعايىندالعان. 2017-2018 جىلدارى قر پرەمەر-ءمينيسترى كەڭسەسىنىڭ جوبالىق باسقارۋ ورتالىعىنىڭ مەڭگەرۋشىسى لاۋازىمىن اتقارعان. 2018 جىلعى قىركۇيەكتەن 2019 جىلعى ناۋرىز ارالىعىندا قر ۇلتتىق ەكونوميكا ۆيتسە-ءمينيسترى قىزمەتىن اتقارعان.  2019 جىلعى ناۋرىزدان قازىرگى تاڭعا دەيىن قر پرەمەر-ءمينيسترىنىڭ كەڭسەسى باسشىسىنىڭ ورىنباسارى بولىپ قىزمەت كەتكەن.
تولىعىراق: https://kaz.tengrinews.kz/