الماتىدا ءوزىن پوليتسيا قىزمەتكەرى رەتىندە تانىستىرىپ, شەتەلدىكتەردى الداعان الاياق ۇستالدى

الماتىدا شەتەلدىكتەردى الداپ جۇرگەن ەر ادام ۇستالدى. ول ءوزىن ىشكى ىستەر ورگاندارىنىڭ قىزمەتكەرىمىن دەپ تانىستىرعان, دەپ حابارلايدى قازاقپارات ءتىلشىسى. ناۋرىزباي اۋدانىنىڭ پوليتسيا ءبولىمىنىڭ مالىمەتىنشە, 1985 جىلى تۋعان ي. ءوزىن قۇقىق قورعاۋ ورگاندارىنىڭ قىزمەتكەرىمىن دەپ تانىستىرعان. «ەر ءوزىن ادام قۇقىق قورعاۋ ورگاندارىنىڭ قىزمەتكەرى رەتىندە تانىستىرىپ, ازاماتتاردىڭ سەنىمىنە كىرۋ ارقىلى الداعان. اتاپ ايتقاندا, ادامدارى كوشى-قون سالاسىنداعى ماسەلەلەردى شەشۋگە, قازاقستاندا تۇرۋعا رۇقسات الىپ بەرۋگە كومەكتەسەتىنىنە سەندىرگەن. ءار قىزمەتى ءۇشىن الاياق شەتەلدىكتەردەن 250 مىڭ تەڭگە كولەمىندە اقشا الىپ كەلگەن. ول ۋادەلەرى سەنىمدى بولۋ ءۇشىن جابىرلەنۋشىلەرمەن كەزدەسۋگە بارعاندا, ءتارتىپ ساقشىسىنىڭ فورماسىن كيىپ العان. قازىر ۋاقىتتا ي. ۇستالدى. تەرگەۋ بارىسىندا ونىڭ قۇقىق قورعاۋ ورگاندارىمەن ەشقانداي بايلانىسى جوق ەكەندىگى انىقتالدى. ۇستالعان ازاماتتىڭ زاڭسىز ارەكەتتەرىنەن بىرنەشە ادام, سونىڭ ىشىندە شەتەلدىكتەر زارداپ شەككەن. وسىعان بايلانىستى تەرگەۋ ءبولىمى ونىڭ سۋرەتىن جاريالادى. ەگەر تانىپ جاتساڭىزدار مىنا تەلەفوندارعا حابارلاسۋ قاجەت: 254-44-61 جانە 254-44-62; 254-44-64», – ناۋرىزباي اۋدانى پوليتسيا باسقارماسى باستىعىنىڭ ورىنباسارى زۋحراب مىرزاعالي. بۇگىندە قرقك 190-بابى بويىنشا سوتقا دەيىنگى تەرگەۋ ءجۇرىپ جاتىر. كۇدىكتى ۋاقىتشا ۇستاۋ يزولياتورىنا قامالدى.

دەرەككوز:  https://www.inform.kz