الماتى اكىمى شىعارعان ەكى شەشىمىن ءتۇسىندىردى

الماتى اكىمى باقىتجان ساعىنتاەۆ قالا جولدارىنا قاتىستى شىعارعان ەكى شەشىمىن ءتۇسىندىردى, — دەپ حابارلايدى Tengrinews.kz ءتىلشىسى. وزگەرىستەردىڭ ءبىرى قالانىڭ كەي كوشەلەرىندەگى جىلدامدىقتى ساعاتىنا 80 شاقىرىم كورسەتكىشىنە دەيىن ءوسىرۋ, ەكىنشىسى — ۆەلوجول ماسەلەسى. «بۇگىن ەكى شەشىم قابىلداۋ ارقىلى قوعامدىق پىكىرتالاستارعا نۇكتە قويدىم.

1) قالانىڭ نەگىزگى ترانزيتتىك ماگيسترالدارى — ءال-فارابي داڭعىلى مەن شىعىس اينالما اۆتوجولىنا ساعاتىنا 80 شاقىرىم جىلدامدىق رەجيمىن قايتاردىق. بۇعان قالالىق قوعامدىق كەڭەسىنىڭ ۇسىنىستارى مەن قالا تۇرعىندارىنىڭ وتىنىشتەرى سەپ بولدى. سونداي-اق قالا جولدارىنداعى قاۋىپسىزدىكتى قامتاماسىز ەتىپ, ءولىم-ءجىتىمدى ازايتۋ ءۇشىن قوسىمشا شارالار قابىلدايمىز.
2) قوناەۆ پەن بايتۇرسىنوۆ كوشەلەرىندەگى ۆەلوجول ماسەلەسىن رەتكە كەلتىردىك. قوزعالىسى ەكى جاققا باعىتتالاتىن ءبىر ۆەلوجولدى قالدىرامىز (مىسالى, شەۆچەنكو كوشەسىندەگىدەي). ەكىنشى ۆەلوجولدىڭ ورنىنا كولىك تۇراعىن ورنالاستىرامىز. بۇل شەشىم اتالعان كوشەلەردە ورنالاسقان شوب-تى قولداۋ ماقساتىندا ەنگىزىلدى. پوليتسيا دەپارتامەنتى مەن قالالىق ءموبيلدى باسقارماسى, كاسىپكەرلىك جانە ينۆەستيتسيا باسقارمالارى قابىلدانعان شەشىمدەردىڭ ورىندالۋىن قامتاماسىز ەتۋى ءتيىس», — دەپ جازدى قالا باسشىسى Instagram جەلىسىندە.
تولىعىراق: https://kaz.tengrinews.kz/kazakhstan_news/almatyi-akm-shyigargan-ek-sheshmn-tusndrd-300449/