جاڭالىقتار

قازاقستاندا پوليتسياعا الاتاياق قايتارىلۋى مۇمكىن

قر ىشكى ىستەر مينيسترلىگى جول قوزعالىسىن رەتتەيتىن پوليتسيا قىزمەتكەرلەرىنە الاتاياقتى قايتارۋعا باستاما كوتەردى, دەپ حابارلايدى قازاقپارات ءتىلشىسى.

«ازاماتتاردىڭ كەلىپ تۇسكەن وتىنىشتەرىنە بايلانىستى جانە جول قوزعالىسىنا قاتىسۋشىلاردىڭ رەتتەۋشى پوليتسەيدىڭ ارەكەتتەرىن قابىلداۋىن جاقسارتۋ, اسىرەسە قاراڭعى جانە تۇنگى ۋاقىتتاردا, سونداي-اق جول قوزعالىسىن رەتتەۋشى پوليتسەيدى قاعىپ كەتۋ وقيعالارىنىڭ الدىن الۋ ماقساتىندا ىشكى ىستەر مينيسترلىگى پاترۋلدىك پوليتسيا قىزمەتكەرلەرىنىڭ الاتاياقتى (جەزل) پايدالانۋ تاجىريبەسىنە قايتا ەنگىزۋدى ۇسىنادى», – دەلىنگەن اتالعان ۆەدومستۆو تاراتقان اقپاراتتا.

بۇل رەتت مينيسترلىك الاتاياقتاردى تەك قانا جول قوزعالىسىن رەتتەۋدى جۇزەگە اسىرۋ ءۇشىن پايدالانۋدى ۇسىنىپ وتىر. اتاپ ايتقاندا, جول-كولىك وقيعالارى مەن كەپتەلىستەر كەزىندە كولىك قۇرالدارىن بۇرۋ ءۇشىن, باعدارشامداردىڭ اقاۋلىعى نەمەسە بولماۋى, اۋا رايىنىڭ ناشارلاۋى جانە اۆتوجولداردا ناشار كورىنۋ جانە باسقا دا قاجەتتى جاعدايلاردا عانا الا تاياقتى قولدانۋعا بولادى دەپ سانايدى. ال كولىكتى توقتاتۋ ءۇشىن الا تاياقتى پايدالانۋعا ءۇزىلدى-كەسىلدى تىيىم سالۋ قاجەت دەپ ەسەپتەيدى.

اۆتور مارلان جيەمباي
inform.kz

وسى ايداردا

دوباۆيت كوممەنتاري

Close