Qazaqstandyqtarǵa qaı elden kóp aqsha jiberiledi

Shetelden qazaqstandyqtarǵa alty aıda 173 mıllıard teńge jiberildi. Qarajattyń úshten ekisi Reseı men Koreıadan aýdarylady, dep habarlaıdy QazAqparat tilshisi Ranking.kz saıtyna silteme jasap.
«2019 jyldyń birinshi jartyjyldyǵynda shetelden Qazaqstanǵa halyqaralyq aqsha aýdarymdary júıesi arqyly 173 mlrd. teńge jiberildi. Bul 2018 jyldyń qańtar-maýsym aılarymen salystyrǵanda 17,3% kóp. Qarjynyń basym bóligi Reseıden aýdarylǵan: 72 mlrd. teńge, bul ótken jylmen salystyrǵanda 1,2% kóp, al eldiń úlesi 48,3% -dan 41,6% -ǵa deıin tómendedi», — delingen habarlamada. Ekinshi orynda Koreı eli — 32,3 mlrd. teńgege deıin 40,3% -ǵa; Ońtústik Koreıanyń úlesi 15,5% -dan 18,6% -ǵa deıin ósti. О́zbekstan úzdik úshtik qatarynda: 14,9 mlrd. teńge — bul ótken jylmen salystyrǵanda 58,8% -ǵa kóp. Eldiń úlesi 6,3% -dan 8,6% -ǵa deıin ósti.

Derekkóz: https://www.inform.kz/kz/kazakstandyktarga-kay-elden-kop-aksha-zhiberiledi_a3558690