جاڭالىقتارقر ازاماتتىعىن الۋ

ەندى پويىز تامبۋرىندا تەمەكى شەگۋگە رۇقسات جوق

28 تامىزدان باستاپ جولاۋشىلار پويىزىندا شىلىم تەگۋگە تىيىم سالىنادى. بۇل تۋرالى «جولاۋشىلار تاسىمالى» اق اتقارۋشى ديرەكتورى ەدىگە مىحانوۆ «قازاقستان تەمىر جولى» اق باس عيماراتىندا وتكەن ءباسپاسوز ءماسليحاتىندا ايتتى.

– 2019 جىلدىڭ 28 تامىزىندا يندۋستريا جانە ينفراقۇرىلىمدىق دامۋ مينيسترلىگىنىڭ جولاۋشىلار تاسىمالى, قول جۇكتەرى مەن پوشتا جونەلتىمدەرى ەرەجەلەرىنە ەنگىزىلگەن وزگەرىستەر ءوز كۇشىنە ەنەدى. جاڭا ەرەجەگە سايكەس, جولاۋشىلار پويىزىندا شىلىم شەگۋگە تىيىم سالىنادى. بۇعان دەيىن تامبۋردا شىلىم شەگۋگە رۇقسات بەرىلەتىن. كوپتەگەن ارىز-شاعىمنان كەيىن جالپى پويىزدا تەمەكى تارتۋ توقتاتىلادى, – دەدى ول. ونىڭ ايتۋىنشا, شىلىم شەككىسى كەلگەن جولاۋشىلار ۆوكزال پەررونىنداعى ارنايى ورىندارعا بارۋى ءتيىس ەكەن. تەمەكىنىڭ ءيىسىن سەزگەن كەز كەلگەن جولاۋشى 1433 بايلانىس نومىرىنە حابارلاسىپ, شاعىم قالدىرا الادى. ونىڭ ۇستىنە, تالگو پويىزدارى گەرمەتيكالىق ماتەريالدان جاسالعان, تەمەكىنىڭ ءيىسى بارلىق كۋپەگە تارالۋى مۇمكىن ەكەن. «جولاۋشىلاردىڭ كەرى بايلانىسى ارقىلى زاڭبۇزۋ-شىلىقتارمەن كۇرەسەمىز». وسىلاي دەگەن كومپانيا وكىلدەرى, ەگەر پويىز ىشىندە شىلىم شەگۋ فاكتىسى انىقتالعان جاعدايدا اكت تولتىرىلىپ, جەلىلىك ىشكى ىستەر ءبولىمىنىڭ قىزمەتكەرلەرى شاقىرىلاتىنىن جەتكىزدى. ودان كەيىن  حاتتاما تولتىرىلىپ, اكىمشىلىك قۇقىقبۇزۋشىلىق كودەكسىنىڭ 571-بابى «تاسىمال ەرەجەسىن بۇزۋ» بويىنشا 5 اەك كولەمىندە ايىپپۇل سالىنادى ەكەن. ياعني,  پويىزدا تەمەكى تارتىپ ۇستالساڭىز 12 625 تەڭگە دايىنداي بەرىڭىز!

تولىعىراق: https://aikyn.kz

وسى ايداردا

دوباۆيت كوممەنتاري

Close