Endi poıyz tambýrynda temeki shegýge ruqsat joq

28 tamyzdan bastap jolaýshylar poıyzynda shylym tegýge tyıym salynady. Bul týraly «Jolaýshylar tasymaly» AQ atqarýshy dırektory Edige Myhanov «Qazaqstan temir joly» AQ bas ǵımaratynda ótken baspasóz máslıhatynda aıtty.

– 2019 jyldyń 28 tamyzynda Indýstrııa jáne ınfraqurylymdyq damý mınıstrliginiń Jolaýshylar tasymaly, qol júkteri men poshta jóneltimderi erejelerine engizilgen ózgerister óz kúshine enedi. Jańa erejege sáıkes, jolaýshylar poıyzynda shylym shegýge tyıym salynady. Buǵan deıin tambýrda shylym shegýge ruqsat beriletin. Kóptegen aryz-shaǵymnan keıin jalpy poıyzda temeki tartý toqtatylady, – dedi ol. Onyń aıtýynsha, shylym shekkisi kelgen jolaýshylar vokzal perronyndaǵy arnaıy oryndarǵa barýy tıis eken. Temekiniń ıisin sezgen kez kelgen jolaýshy 1433 baılanys nómirine habarlasyp, shaǵym qaldyra alady. Onyń ústine, Talgo poıyzdary germetıkalyq materıaldan jasalǵan, temekiniń ıisi barlyq kýpege taralýy múmkin eken. «Jolaýshylardyń keri baılanysy arqyly zańbuzý-shylyqtarmen kúresemiz». Osylaı degen kompanııa ókilderi, eger poıyz ishinde shylym shegý faktisi anyqtalǵan jaǵdaıda akt toltyrylyp, jelilik ishki ister bóliminiń qyzmetkerleri shaqyrylatynyn jetkizdi. Odan keıin  hattama toltyrylyp, Ákimshilik quqyqbuzýshylyq kodeksiniń 571-baby «Tasymal erejesin buzý» boıynsha 5 AEK kóleminde aıyppul salynady eken. Iaǵnı,  poıyzda temeki tartyp ustalsańyz 12 625 teńge daıyndaı berińiz!

Tolyǵyraq: https://aikyn.kz