Endi qazaqstandyqtar temir jol bıletin qaıtarǵany úshin aıyppul tólemeıdi

28 tamyzdan bastap Qazaqstandaǵy jolaýshylar poıyzynyń bıletin qaıtarýdaǵy aıyppul alynyp tastaldy, dep habarlaıdy QazAqparat tilshisi. Bul týraly «Jolaýshylar tasymaly» AQ atqarýshy dırektory Edige Myhanov «Qazaqstan temir joly» AQ bas ǵımaratynda ótken baspasóz máslıhatynda aıtty. «Jańa erejelerge sáıkes, jolaýshynyń jol júrý bıletin qaıtarǵany úshin tólenetin 1000 teńgeni quraıtyn aıyppul alynyp tastaldy. Bul norma alypsatarlardyń jappaı bılet ótkiz jaǵdaılaryn tómendetýge múmkindik beredi», — dedi Edige Myhanov. Sonymen birge, zańdy tulǵalardyń toptyq tapsyrys berýinde qaıtarylmaıtyn depozıt kólemi jalpy jol júrý qunynyń 30% quramaq. «Buǵan deıin zańdy tulǵalardyń bir oryndy rezervke qoıýyna 290 teńge alynatyn. Keminde 10 adamǵa toptyq bılet alýda zańdy tulǵa jol júrýge 6 kún qalǵansha tizimniń teń jartysyna deıin ózgeris engize alady. Bir táýlik qalǵansha bıletti ótkizse — tolyq quny qaıtarylady. Bir táýlikten azyraq ýaqyt qalsa — 30 paıyzy, 6 saǵattan kem ýaqyt qalsa — 50 paıyzy ustalady», — dedi ol. Odan bólek, zańdy tulǵalar tapsyrysty elektrondyq ıfrlyq qoltańba boıynsha rásimdeı alady. Bılet burynǵydaı bir blankada emes, árbir jolaýshyǵa bólek beriledi. Aıta keteıik, 2019 jyldyń 28 tamyzynda QR Indýstrııa jáne ınfraqurylymdyq damý mınıstrliginiń Jolaýshylar tasymaly, qol júkteri men posha jóneltimderi erejelerine engizilgen ózgerister óz kúshine enedi. Jańa erejege sáıkes, poıyz ishinde shylym shegýge tyıym salyndy.

Derekkóz: https://www.inform.kz/kz/endi-kazakstandyktar-temir-zhol-biletin-kaytargany-ushin-ayyppul-tolemeydi_a3558461