Almatylyq alpınısterdi izdeý jumystary toqtatyldy

Qyrǵyzstannyń Tıan-Shan taýlarynda joǵalyp ketken alpınısterdi izdeý toqtatyldy. Bul týraly QR Qorǵanys mınıstrligi aqparat jáne kommýnıkaııalar departamentiniń basshysy Danııar Aıjanov aıtty, dep habarlaıdy QazAqparat tilshisi. «Joǵalyp ketken alpınısterdi izdeýge shyqqan áskerı alpınıster qaıtyp keldi. Buǵan deıin Aq-Saı Trevel kompanııasy bolǵan apattyń hronıkasyn aıtyp, alpınısterdi tiri tabýǵa múmkindik joq ekenin aıtqan edi», – dedi Danııar Aıjanov atalǵan máselege qatysty ótken baspasóz máslıhatynda. Eske salsaq, Almatylyq Murat О́tepbaev, Andreı Korneev jáne kóz jumǵan Aleksandr Chechýlın Qyrǵyzstandaǵy «Jeńis» shyńynda qarly boranyń astynda qalǵan. Almaty qalasynyń ákimi Baqytjan Saǵyntaev taýda qazaqstandyq alpınıster tobynyń joǵalyp ketýine qatysty Instagram paraqshasynda alańdaýshylyq bildirdi. Keıinirek joǵalǵan alpınısterdiń biriniń qyzy áleýmettik jeli arqyly qalyń kópshilikten kómek surady. Sondaı-aq, QR Qorǵanys mınıstrligi alpınısterdi qutqarý operaııasyn bastady. QR Qarýly Kúshteriniń áskerı qyzmetshisi, kapıtan Maqsut Jumaev Qyrǵyzstan taýlarynda joǵalǵan qazaqstandyq alpınısterdi izdestirý jumystary týraly aıtqan bolatyn. Aýa raıynyń qolasyzdyǵy almatylyq alpınısterdi izdeýge kedergi keltirdi.

Derekkóz: inform.kz