قازاقستان رەسپۋبليكاسىندا اقىلى جولداردى ۇيىمداستىرۋعا قاتىسۋعا وتىنىمدەردى قابىلداۋ مەرزىمى ۇزارتىلدى

قازتاگ — قازاقستاندا اقىلى جولداردى رەتتەۋگە قاتىسۋعا وتىنىمدەردى قابىلداۋ مەرزىمى ۇزارتىلدى, دەپ حابارلادى «QazAvtoJol» ۇك» اق ءباسپاسوز قىزمەتى.
حاباردا اتاپ كورسەتىلگەندەي, «2019 جىلدىڭ 23 تامىزىندا «QazAvtoJol» ۇك» اق-دا ينۆەستيتسيالىق كونكۋرس ماسەلەسى بويىنشا ينۆەستورلارمەن اشىق ديالوگ ءوتتى. ينۆەستيتسيالىق كونكۋرستا رەسپۋبليكالىق ماڭىزى بار اۆتوجولداردا تولەم قابىلداۋ جۇيەسىن ورنالاستىرۋ جانە قىزمەت كورسەتۋ بويىنشا ينۆەستيتسيالىق جوبالار تاڭدالادى».
اشىق ديالوگ بارىسىندا تالقىلانعان باستى ماسەلە – رەسپۋبليكالىق ماڭىزى بار اۆتوجولدارداعى تولەم قابىلداۋ جۇيەسىن دامىتۋ. تالقىلاۋعا «QazAvtoJol» ۇك» اق باسقارما توراعاسىنىڭ ورىنباسارى تالعات سماعۇلوۆ جانە «Transtelecom» اق, BI Group, «نورتەكس گرۋپ» جشس, BDGT, «Kار-تەل» جشس, «كوركەم تەلەكوم» جشس, فيليال «قىتاي ازاماتتىق-ينجەنەرلىك قۇرىلىس كورپوراتسياسى» جشق, لتد شانسي قۇرىلىس ينۆەستيتسيالىق كورپوراتسياسى لتد (SXCIG), Kapsch Traffic Com Whale Cloud Technology, ASELSAN, i-Cell جانە National Toll Payment System حالىقارالىق كومپانيالاردىڭ وكىلدەرى قاتىستى.
قاتىسۋشىلار ينۆەستيتسيالىق كونكۋرستى ۇيىمداستىرۋدىڭ ەرەجەلەرى تۋرالى پىكىر الماسىپ, ۇيىمداستىرۋشىلارعا سۇراق قويىپ, كونكۋرسقا بايلانىستى ءوز ۇسىنىستارىن ەنگىزدى.
باسقارما توراعاسىنىڭ ورىنباسارى تالعات سماعۇلوۆتىڭ جوبا اياسىندا رەسپۋبليكالىق ماڭىزداعى 11 مىڭ شاقىرىم جول قامتىلعانىن اتاپ ءوتتى.
— كەلىسىمشارت 11 جىل مەرزىمىنە جاسالادى. «QazAvtoJol» ۇك» اق وپەراتور رەتىندە جول اقىسىن جيناۋ مەن ينفراقۇرىلىمدى قالىپتاستىرۋ ماسەلەسىن قاداعالايدى. الداعى ۋاقىتتا كولىكتەردەن تولەماقى الىناتىن اۆتوموبيل جولدارىنداعى جوندەۋ جانە قايتا جاڭارتۋ جۇمىستارى اياقتالعاننان كەيىن بىرتىندەپ اقىلى جۇيە ەنگىزىلەدى, — دەدى تالعات سماعۇلوۆ.
رەسپۋبليكالىق ماڭىزداعى اۆتوجولداردىڭ 80%-ى ءىى جانە ءىىى تەحنيكالىق ساناتقا سايكەس كەلەدى. بۇل جولداردا تولەماقى تەك جۇك كولىكتەردەن عانا الىناتىن بولادى. اقىلى جولدىڭ قۇرىلىسى «QazAvtoJol» ۇك» اق-نىڭ قىزمەتكەرلەرى جاساعان باعدارلامالىق جاساقتاما ارقىلى جۇرگىزىلەدى. اقىلى جولداردان جينالعان قاراجاتتاردىڭ بارلىعى اقىلى ۋچاسكەلەر مەن تولەم قابىلداۋ جۇيەسىن كۇتىپ ۇستاۋعا جۇمسالادى جانە اتالمىش جۇمىستارعا مەملەكەتتىك بيۋدجەتتەن قاراجات تارتىلمايدى.
جوبانىڭ اۋقىمدىلىعىن ەسكەرە وتىرىپ, مەملەكەتتىك ورگاننىڭ كەلىسىمىنىڭ نەگىزىندە ينۆەستيتسيالىق كونكۋرسقا قاتىسۋ ءۇشىن وتىنىشتەردى قابىلداۋ مەرزىمىن 2019 جىلعى 15 قازانعا دەيىن ۇزارتۋ تۋرالى شەشىم قابىلداندى.