Qazaqstan Respýblıkasynda aqyly joldardy uıymdastyrýǵa qatysýǵa ótinimderdi qabyldaý merzimi uzartyldy

QazTAG — Qazaqstanda aqyly joldardy retteýge qatysýǵa ótinimderdi qabyldaý merzimi uzartyldy, dep habarlady «QazAvtoJol» UK» AQ baspasóz qyzmeti.
Habarda atap kórsetilgendeı, «2019 jyldyń 23 tamyzynda «QazAvtoJol» UK» AQ-da ınvestıııalyq konkýrs máselesi boıynsha ınvestorlarmen ashyq dıalog ótti. Investıııalyq konkýrsta respýblıkalyq mańyzy bar avtojoldarda tólem qabyldaý júıesin ornalastyrý jáne qyzmet kórsetý boıynsha ınvestıııalyq jobalar tańdalady».
Ashyq dıalog barysynda talqylanǵan basty másele – respýblıkalyq mańyzy bar avtojoldardaǵy tólem qabyldaý júıesin damytý. Talqylaýǵa «QazAvtoJol» UK» AQ Basqarma tóraǵasynyń orynbasary Talǵat Smaǵulov jáne «Transtelecom» AQ, BI Group, «Norteks Grýp» JShS, BDGT, «Kar-Tel» JShS, «Korkem Telekom» JShS, Fılıal «Qytaı azamattyq-ınjenerlik qurylys korporaııasy» JShQ, LTD Shansı qurylys ınvestıııalyq korporaııasy Ltd (SXCIG), Kapsch Traffic Com Whale Cloud Technology, ASELSAN, i-Cell jáne National Toll Payment System halyqaralyq kompanııalardyń ókilderi qatysty.
Qatysýshylar ınvestıııalyq konkýrsty uıymdastyrýdyń erejeleri týraly pikir almasyp, uıymdastyrýshylarǵa suraq qoıyp, konkýrsqa baılanysty óz usynystaryn engizdi.
Basqarma tóraǵasynyń orynbasary Talǵat Smaǵulovtyń joba aıasynda respýblıkalyq mańyzdaǵy 11 myń shaqyrym jol qamtylǵanyn atap ótti.
— Kelisimshart 11 jyl merzimine jasalady. «QazAvtoJol» UK» AQ Operator retinde jol aqysyn jınaý men ınfraqurylymdy qalyptastyrý máselesin qadaǵalaıdy. Aldaǵy ýaqytta kólikterden tólemaqy alynatyn avtomobıl joldaryndaǵy jóndeý jáne qaıta jańartý jumystary aıaqtalǵannan keıin birtindep aqyly júıe engiziledi, — dedi Talǵat Smaǵulov.
Respýblıkalyq mańyzdaǵy avtojoldardyń 80%-y II jáne III tehnıkalyq sanatqa sáıkes keledi. Bul joldarda tólemaqy tek júk kólikterden ǵana alynatyn bolady. Aqyly joldyń qurylysy «QazAvtoJol» UK» AQ-nyń qyzmetkerleri jasaǵan baǵdarlamalyq jasaqtama arqyly júrgiziledi. Aqyly joldardan jınalǵan qarajattardyń barlyǵy aqyly ýchaskeler men tólem qabyldaý júıesin kútip ustaýǵa jumsalady jáne atalmysh jumystarǵa memlekettik bıýdjetten qarajat tartylmaıdy.
Jobanyń aýqymdylyǵyn eskere otyryp, memlekettik organnyń kelisiminiń negizinde ınvestıııalyq konkýrsqa qatysý úshin ótinishterdi qabyldaý merzimin 2019 jylǵy 15 qazanǵa deıin uzartý týraly sheshim qabyldandy.