Jańalyqtar

Almatyǵa bıyl eki júz jańa avtobýs jetkiziledi

Almatyǵa jyl sońyna deıin Qytaıdan eki júz jańa avtobýs jetkiziledi. Bul týraly Baqytjan Saǵyntaev Jetisý aýdanynyń turǵyndarymen kezdesý barysynda aıtty, dep habarlaıdy QazAqparat tilshisi.

Almaty ákimi Baqytjan Saǵyntaev Jetisý aýdanynyń turǵyndarymen kezdesti. Qala basshysy megopolıstegi qoǵamdyq kóliktiń jetispeýshilik  máselesi aldaǵy ýaqytta tolyqtaı sheshiletinin atap ótti. «Bıyl biz Qytaıdan 200 avtobýs  alamyz. Qoǵamdyq kólik jıi júretin bolady. Avtobýs aralyqtaryn 10-15 mınýtqa deıin qysqartý kerek. Sonda biz qoǵamdyq kólik jetispeýshiligin túbegeıli sheshemiz», – dedi Baqytjan Saǵyntaev. Sondaı-aq, Almaty ákimi biliksiz avtobýs júrgizýshiler jaıly pikir bildirdi. «Qalada avtobýs júrgizýshilerine qatysty problema bar.  Tájirıbeli júrgizýshiler joqtyń qasy. Jumysqa kim bolsa sony alady. Keıbir júrgizýshler sol parkterde túneıdi, sosyn rólde qalǵyp otyrady. Bunyń  barlyǵy joldaǵy qaýipsizdikke qaýip tóndiredi», – dedi ákim. Sonymen qatar  qala basshysy trolleıbýs parkterin de jańartatynyn aıtty.

Derekkóz: inform.kz/

Osy aıdarda

Dobavıt kommentarıı

Close