Jańalyqtar
Almatyda tegin kýrstarǵa arnalǵan 85 oqý ortalyǵy ashyldy
Kýrstar bir aıdan alty aıǵa deıin jalǵasady. Oqýǵa «Atameken qoldaý ortalyǵy» mobıldi jumyspen qamtý ortalyqtarynyń kez kelgenine baryp jazylýǵa bolady, dep málimdedi Almaty qalasy Kásipkerler palatasynyń baspasóz qyzmeti.
Qysqa merzimdi oqytý nátıjeli jumyspen qamtý jáne jappaı kásipkerlikti damytý baǵdarlamasy sheńberinde uıymdastyrylýda. Bul rette kýrstarda bilim alýshylar úshin oqý aqysy men shákirtaqy túrinde memleketten qoldaý qarastyrylǵan.
Qysqa merzimdi kásiptik oqytý kýrstaryn jumys izdep júrgen jáne jumyssyz azamattar ala alady. О́tinimderdi Almaty qalasynyń jumyspen qamtý ortalyǵynda, sondaı-aq «Atameken qoldaý ortalyǵy» mobıldik jumyspen qamtý ortalyqtarynda berýge bolady.
«Qysqa merzimdi kásiptik oqytýdy uıymdastyrý úshin, onyń ishinde jumyssyz jáne ózin-ózi jumyspen qamtyǵan halyqtyń kásiporyndary bazasynda oqytýǵa, nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń birinshi baǵyty sheńberinde 2019 jyly «Atameken» QR UKP Bilim berý uıymdarynyń tizilimine qosymsha 65 bilim berý uıymy engizildi. Osy oraıda 2017-2018 jyldary 20 oqý ortalyǵy ashyldy», — deıdi Almaty qalasy Kásipkerler palatasynyń Adamı kapıtaldy damytý bóliminiń basshysy Vera zın.
Onyń aıtýynsha, Almaty qalasy boıynsha Ulttyq palatanyń tizilimine qazirgi ýaqytta 85 bilim berý uıymy engizilgen: Kásiporyndar men qaýymdastyqtar – 53, derbes ortalyqtar – 10, kolledjder-22.
Derekkóz: BAQ.KZ
