Jańalyqtar

QR Prezıdenti búgin Qazaqstan halqyna joldaýyn jarııalaıdy

Memleket basshysy Qasym-Jomart Toqaev búgin Qazaqstan halqyna joldaýyn jarııalaıdy, dep habarlaıdy QazAqparat.

Halyqqa joldaý jarııalaıtyny týraly Prezıdent osydan úsh apta buryn habarlaǵan edi. Tipti joldaýda kóteriletin máselelerdiń shet jaǵasyn Memleket basshysy aıtyp qalǵan. «2 qyrkúıekke josparlanǵan Halyqqa Joldaýymda esirtki bıznesi, pedofılııa, jynystyq zorlyq-zombylyq jáne jeke tulǵaǵa qarsy jasalatyn basqa da aýyr qylmystarǵa qatysty jazalaý sharalaryn qatańdatý jóninde Parlamentke jáne Úkimetke tapsyrmalar júkteledi», — degen edi Prezıdent Twitter paraqshasynda.  Qasym-Jomart Toqaevtyń alǵashqy joldaýynda taǵy qandaı máseleler kóterilýi múmkin? QR Prezıdenti janyndaǵy «Ortalyq kommýnıkaııalar qyzmeti» respýblıkalyq memlekettik mekemesiniń dırektory Talǵat Qalıev osyǵan qatysty boljam jasap kórgen bolatyn. «Qazirdiń ózinde Memleket basshysynyń erekshe qupııa jasamaı, barlyq zorlyqshylarǵa jazany qatańdatýǵa nıetti ekendigimen bólisýi faktisiniń ózi qyzyqtyra túsedi. Bul jańalyqty qupııa ustaı turyp, zalda barynsha qoshemetke ıe bolýǵa da bolar edi. Degenmen, Prezıdentke poıyzdaǵy zorlaý soraqy faktisine baılanysty  oqıǵaǵa beı-jaı qaramaǵan otandastarymen pikirles ekendigin bildirý mańyzdy bolǵan sııaqty. Osynaý qysqa ǵana tvıt is júzinde zorlyqqa biraýyzdan jek kórýshilikti qalyptastyrýda aıryqsha ról oınady. Qalǵany ázirshe qupııa qalyp otyr», — dep jazady T.Qalıev Telegram-da. Onyń pikirinshe, Prezıdenttiń aldaǵy Joldaýynda áleýmettik qoldaý sharalaryna qatysty máseleler kóteriledi. «Bıýdjet qyzmetkerleriniń jalaqysyn kóterý. Tamyz keńesinde  tórt jyldyń ishinde muǵalimderdiń jalaqysyn 4 ese kóterý tapsyrmasy berildi. Bul tarmaq joldaýdada qozǵalyp, barynsha tarqatylýy múmkin.  Taıaýda ótken ındýstrııalandyrý jónindegi keńeste Memleket basshysy túbegeıli máselelerdi kóterip, qazaqstandyq eksport úlesin arttyrý týraly tapsyrma berdi. Bul másele de Joldaýda barynsha keńinen qozǵalatyn shyǵar. Úkimettiń taıaýdaǵy keńeıtilgen otyrysynda Qasym-Jomart Toqaev kásipkerlik qyzmetke aralasý taqyrybyn kóterip, bıznestiń damýyna kedergi keltiretinderdiń bárin jumystan bosatatyndyǵyna ýáde berdi. Kásipkerlikti qorǵaý sharalary  zańnamamen kepildendirýge tapsyrma beredi dep boljaýǵa bolady», — dedi ol.

 

 

Osy aıdarda

Dobavıt kommentarıı

Close