جاڭالىقتار
كوپبالالى انالار مەن مۇگەدەك بالا اسىراۋشىلار جىل سوڭىنا دەيىن 6 مىڭ باسپاناعا يە بولادى
2020 جىلى «باقىتتى وتباسى» باعدارلاماسى باستالادى. بۇل تۋرالى مەملەكەت باسشىسى قاسىم-جومارت توقاەۆ پارلامەنتتىڭ بىرلەسكەن وتىرىسىنداعى قازاقستان حالقىنا ارنالعان جولداۋىندا مالىمدەدى.
«بيىل ەلباسىنىڭ باستاماسى بويىنشا 2% جەڭىلدىكپەن جانە العاشقى جارناسى 10% بولاتىن جاڭادان «باقىتتى وتباسى» باعدارلاماسى ىسكە قوسىلدى. بۇل وتە قولايلى جاعداي. جىل سوڭىنا دەيىن بۇل باعدارلاما بويىنشا كەم دەگەندە التى مىڭ وتباسى باسپانا ساتىپ الادى. بىرىنشى كەزەكتە كوپبالالى وتباسىلار مەن مۇگەدەك بالا اسىرۋشىلار قامتىلادى. 2020 جىلدان باستاپ جىل سايىن 10 مىڭ وسىنداي وتباسى باسپانامەن قامتىلادى», — دەدى توقاەۆ.
ونىڭ ايتۋىنشا, 2020 جىلدان باستاپ وسىنداي 10 مىڭ وتباسى جىل سايىن باسپانامەن قامتاماسىز ەتىلەدى.
«ۇكىمەت باعدارلاماعا قاتىسۋدىڭ ناقتى كريتەريلەرىن انىقتاپ, ونى قاتاڭ باسقارۋدى قامتاماسىز ەتۋى كەرەك. قولداۋ تەك شىنىمەن مۇقتاج ادامدارعا كورسەتىلۋى كەرەك. ۇكىمەتكە الداعى 3 جىلدا كەزەكتە تۇرعان از قامتىلعان, كوپبالالى وتباسىلاردى باسپانامەن قامتۋ ماسەلەسىن شەشۋدى تاپسىرامىن. ولاردىڭ سانى قازىر 30 مىڭعا جۋىق. تابىسى جوق ازاماتتارعا جەكە باسپانا ساتىپ الۋ ءۇشىن الەۋمەتتىك ارەندا شارتى بويىنشا مۇمكىندىك بەرۋ كەرەك. بۇل ماقساتقا 2022 جىلعا قاراي 240 ملرد تەڭگە قاراستىرىلعان», — دەدى پرەزيدەنت.
