مەن حالىققا بەرگەن ۋادەلەرىمدى مىندەتتى تۇردە ورىندايمىن — توقاەۆ

مەن حالىققا بەرگەن ۋادەلەرىمدى مىندەتتى تۇردە ورىندايمىن. بۇل تۋرالى بۇگىن 6-شاقىرىلىمداعى پارلامەنتتىڭ 5-ءشى سەسسياسىن اشقان قازاقستان پرەزيدەنتى قاسىم-جومارت توقاەۆ ايتتى, دەپ حابارلايدى قازاقپارات ءتىلشىسى.

«ءبىز ەلىمىزدىڭ جاڭا تاريحىنداعى ماڭىزدى بەلەسكە جاقىنداپ كەلەمىز. 30 جىلعا جۋىق ۋاقىت بۇرىن حالقىمىز ءوزىنىڭ تاۋەلسىزدىگىن جاريالاپ, بابالارىمىزدىڭ عاسىرلار بويى اڭساعان ارمانىن ورىندادى. وسى  ۋاقىت ىشىندە قازاقستاننىڭ تۇڭعىش پرەزيدەنتى — ەلباسى نۇرسۇلتان نازارباەۆتىڭ  باسشىلىعىمەن ەلىمىز الەمدەگى بەدەلدى ءارى ورنىقتى  مەملەكەتكە اينالدى. باياندى بىرلىگىمىزدىڭ ارقاسىندا تاۋەلسىزدىگىمىزدى نىعايتىپ, حالقىمىزدىڭ جاعدايىن جاقسارتۋعا جول اشتىق. بۇل جاسامپازدىق پەن ىلگەرىلەۋ, بەيبىتشىلىك پەن كەلىسىم كەزەڭى بولدى. ەلىمىزدىڭ دامۋ جولىن بۇكىل الەم مويىنداپ, قازاقستاندىق, ياعني نازارباەۆ مودەلى دەپ اتادى», — دەدى مەملەكەت باسشىسى. قازاقستان پرەزيدەنتى  قازىر بىزگە تاۋەلسىزدىكتىڭ جەتىستىكتەرىن ەسەلەپ, ەلىمىزدى دامۋدىڭ جاڭا ساپالىنا كەزەڭىنە شىعارۋ  مۇمكىندىگى بەرىلىپ وتىرعانىن ايتتى. «ءبىز بۇعان ەلباسى  ساياساتىنىڭ ساباقتاستىعىن ساقتاپ, جۇيەلى رەفورمالار  جۇرگىزۋ ارقىلى قول جەتكىزە الامىز. وزدەرىڭىزگە بەلگىلى, وسىنىڭ ءبارى مەنىڭ سايلاۋالدى باعدارلامامنىڭ نەگىزى بولدى. قازىر مەملەكەتتىك ورگاندار ونى جۇزەگە اسىرۋ ءۇشىن ءتيىستى جۇمىستار جۇرگىزۋدە. مەن حالىققا بەرگەن ۋادەلەرىمدى مىندەتتى تۇردە ورىندايمىن», — دەدى ق.توقاەۆ.