Jańalyqtar
Qazaqstanda Abylaı hannyń alyp monýmenti ornatylady
Abylaı hannyń eskertkishiniń eskızdik jobasyn «Qazaqstan Barysy» damý qory Qamqorshylar keńesiniń tóraǵasy Arman Shoraev óziniń Facebook-tegi paraqshasynda kórsetti, dep habarlady BAQ.KZ.
Eskertkishtiń irgetasy retinde paıdalanylatyn ǵımaratta murajaı ekspozıııasy, konferen-zal, kórme zaly jáne taǵy basqalary ornatylady dep josparlanyp otyr. Monýmenttiń jalpy bıiktigi – 54 metr. Hannyń asataıaǵynda aınalany tamashalaıtyn alańǵa shyǵatyn lıft ornatylady.
Abylaı hannyń músini tot baspaıtyn bolatpen qaptalady dep josparlanyp otyr.
«Munyń eskızdik joba ekenin eskere otyryp, jobany arzandatý jáne estetıkasyn jaqsarta túsý maqsatynda kásibı sáýletshilerden kásibı turǵyda usynystar men pikir alǵym keledi», – dep jazdy Arman Shoraev.
Sondaı-aq, ol mundaı jobalar elimizge ulttyq sana-sezim men otansúıgishtikti arttyrý elementi, sonymen qatar ishki jáne syrtqy týrızmdi damytý tetegi retinde qajet dep senim bildirdi.
«Mundaı memorıal dalalyqtardyń uly bıleýshileriniń birin eske alýǵa arnalǵan qurmet retinde qajet ekenine senimdimin. Abylaıdyń arqasynda jońǵarlarǵa kúshti qarsylyq kórseti jáne bizdiń ata-babalarymyz terrıtorııany baqylaýǵa alyp, etnos retinde saqtaldy», – dep atap ótti «Qazaqstan Barysy» damý qory Qamqorshylar keńesiniń tóraǵasy.
