جاڭالىقتار

الماتىدا التىنشى مامانداندىرىلعان حقك ورتالىعى اشىلدى

الماتىدا كۇنىنە 6000 قىزمەت كورسەتەتىن مامانداندىرىلعان حالىققا قىزمەت كورسەتۋ ورتالىعى اشىلدى.

جاڭا اۆتو حقو قالاداعى باسقا مامانداندىرىلعان حالىققا قىزمەت كورسەتۋ ورتالىقتارىنىڭ  جۇكتەمەسىن ازايتىپ, قىزمەتتەردىڭ ساپالى ءارى جىلدام كورسەتىلۋىنە مۇمكىندىك بەرەدى.

«ءبىز الماتىلىقتاردىڭ ءوتىنىشىن ەسكەرىپ, اۆتو حقو-داعى قىزمەت الۋشىلاردىڭ كوپتىگىنە بايلانىستى پروبلەمانى شەشۋ ءۇشىن وسى وڭىردە تاعى ەكى اۆتو حقو اشىپ وتىرمىز. ەلىمىزدەگى ەڭ ۇلكەن اۆتوبازار الماتىدا, وزگە وبلىس ورتالىعىنىڭ كولىك يەلەرى دە وسىندا قۇجاتتارىن جاساتىپ, ساتىپ العان كولىكتەرىن قايتا تىركەپ جاتادى.

جاڭا ورتالىق ولارعا اۆتوقىزمەتتەردى الۋ رەتىن جەڭىلدەتەدى», – دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ  باسقارما ءتورايىمى اسەمگۇل بالتاشەۆا.  №6 مامانداندىرىلعان  حقو الماتى قالاسىنىڭ كەمەل شاعىن اۋدانى, اقسۋات كوشەسى 118 مەكەنجايىندا  اشىلدى.

ورتالىقتىڭ جالپى اۋماعى  1000 شارشى مەتر. ورتالىقتا 30 قىزمەت ۇستەلى بار, قوسىمشا وزىنە-ءوزى قىزمەت كورسەتۋ زالى قاراستىرىلعان. ورتالىقتاعى كۇتۋ زالى 200 ورىنعا ارنالعان. 300  كولىككە ارنالعان اۆتوتۇراق جۇمىس ىستەيدى. جاڭا ورتالىق №1 جانە №2 اۆتو حقو جۇكتەمەسىن 30 % ازايتادى.

«ايتا  كەتەيىك, ەلىمىزدىڭ بارلىق وبلىسىندا مامانداندىرىلعان حقو جۇمىس ىستەيدى. كولىك يەلەرى وندا جۇرگىزۋشى كۋالىكتەرىن اۋىستىرىپ, كولىكتەرىن قايتا تىركەۋگە قويىپ, جۇرگىزۋشى كۋالىگىن الۋ ءۇشىن ەمتيحان تاپسىرا الادى. العاشقى ەكى قىزمەتتى اۆتو حقو-عا بارماي-اق, ونلاين الۋعا بولاتىنىن دا ەسكەرتەمىز. ول ءۇشىن كولىك يەسىنىڭ ەلەكتروندى تسيفرلىق قولتاڭباسى بولۋ كەرەك», – دەدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ  باسقارما ءتورايىمى اسەمگۇل بالتاشەۆا.

دەرەككوز: inform.kz/

وسى ايداردا

دوباۆيت كوممەنتاري

Close